నార్ల ప్రొడక్షన్ హౌస్ బ్యానర్‌లో ఏషాన్, ఆయిషా కపూర్ హీరోహీరోయిన్లుగా అమన్ కుమార్, శ్రద్ధ ద్వివేది, తనూజ్ దీక్షిత్, అనిల్ రాస్తోగి తదితరులు ముఖ్య పాత్రల్లో నటిస్తున్న చిత్రం ‘అన్ లిమిటెడ్’. విక్రమ్ వాసుదేవ్ నార్ల ఈ చిత్రానికి దర్శకత్వం వహిస్తూ నిర్మిస్తున్నారు.
ఈ సందర్భంగా చిత్ర నిర్మాత, దర్శకుడు విక్రమ్ వాసుదేవ్ నార్ల మాట్లాడుతూ.. విమెన్ ఎంపవర్మెంట్‌ని తప్పుదారి పట్టిస్తున్న కొంతమంది వల్ల సమాజానికి జరుగుతున్న చేటుని చెబుతూనే సృష్టికి మూలాధారమైన ఓంకారంలో ఇమిడి ఉన్న అర్ధనారీశ్వర తత్వాన్ని ప్రధాన అంశంగా ‘అతి సర్వత్ర వర్జయేత్’ అన్న ట్యాగ్‌లైన్‌తో ఈ చిత్రాన్ని తెరకెక్కిస్తున్నాము. నార్ల ప్రొడక్షన్ హౌస్ బ్యానర్‌లో ఏషాన్, ఆయిషా కపూర్‌లని హీరో హీరోయిన్లుగా పరిచయం చేస్తున్నాము. తెలుగు, హిందీ భాషలలో మీడియా బ్యాక్ డ్రాప్‌లో యూత్ ఫుల్ లవ్ స్టోరీగా తెరకెక్కుతుంది ‘అన్ లిమిటెడ్’. కథానుగుణంగా హైదరాబాద్, లక్నో నగరాలలో 80 శాతం షూటింగ్ పూర్తి అయ్యింది. ఈ లాక్‌డౌన్ కారణంగా తదుపరి షెడ్యుల్‌ను దుబాయ్‌లో ప్లాన్ చేస్తున్నాము..’’ అని తెలిపారు.
ఏషాన్, ఆయిషా కపూర్, అమన్ కుమార్, శ్రద్ధ ద్వివేది, తనూజ్ దీక్షిత్, అనిల్ రాస్తోగి తదితరులు నటిస్తున్న ఈ చిత్రానికి మాటలు: చిట్టి శర్మ, సినిమాటోగ్రఫీ: వినోత్, కుమార్, మ్యూజిక్: రోహిత్ జిల్లా, నిర్మాత, దర్శకత్వం: విక్రమ్ వాసుదేవ్ నార్ల.
