మెగా ప్రిన్స్ వరుణ్ తేజ్ బాక్సర్గా నటించిన లేటెస్ట్ సినిమా ‘గని’ మార్చి 18న థియేటర్ లోకి వస్తున్నాడు. తాజాగా ఈ సినిమా రిలీజ్ డేట్ను చిత్రబృందం ప్రకటించింది. రినైసాన్స్ పిక్చర్స్- అల్లు బాబి కంపెనీ పతాకాలపై సిద్ధు ముద్ద – అల్లు బాబీ నిర్మిస్తున్నారు. ఈ చిత్రంలో వరుణ్ తేజ్ సరసన బాలీవుడ్ యంగ్ బ్యూటీ సయీ మంజ్రేకర్ హీరోయిన్గా నటిస్తోంది. కిరణ్ కుమార్ కొర్రపాటి దర్శకత్వం వహించారు. మేకర్స్ ముందు ప్రకటించిన డేట్ ప్రకారం అయితే ఈ డిసెంబర్ 24న రిలీజ్ కావాల్సింది. అయితే, వారం ముందు అల్లు అర్జున్ పాన్ ఇండియన్ సినిమా ‘పుష్ప’, ‘గని’ రిలీజ్ అనుకున్న రోజు నాని ‘శ్యామ్ సింగ రాయ్’ వస్తుండటంతో ఈ చిత్రాన్ని పోస్ట్పోన్ చేశారు. తాజాగా కొత్త డేట్ను లాక్ చేసిన చిత్రబృందం వరుణ్ తేజ్ కొత్త లుక్తో పాటు సోషల్ మీడియా ద్వారా ప్రకటించారు. వచ్చే ఏడాది మార్చి 18వ తేదీన ఈ చిత్రాన్ని భారీ స్థాయిలో విడుదల చేయనున్నారు. జగపతి బాబు, సునీల్ శెట్టి, తమన్నా భాటియా కీలకపాత్రల్లో నటిస్తున్నారు. ఎస్ ఎస్ థమన్ సంగీత దర్శకుడు.
మార్చి18న ‘గని’ థియేటర్ లోకి వస్తున్నాడు
