యశ్‌ హీరోగా మళయాల దర్శకురాలు గీతూమోహన్‌ దాస్‌ ‘టాక్సిక్‌’ తెరకెక్కిస్తున్న సినిమా షూటింగ్‌ ఇటీవలే ప్రారంభమైంది. ఇందులో బాలీవుడ్‌ నటుడు అక్షయ్‌ ఒబెరాయ్‌ భాగమయ్యారు. ఈ విషయాన్ని తెలుపుతూ అక్షయ్‌ పోస్ట్‌ పెట్టారు. ఆయన్ని టీమ్‌లోకి ఆహ్వానిస్తూ మూవీ యూనిట్‌ పంపిన లెటర్‌ను షేర్‌ చేశారు. ‘విూలాంటి ప్రతిభావంతులైన నటులతో కలిసి పనిచేసేందుకు ‘టాక్సిక్‌’ టీమ్‌ ఆసక్తిగా ఉంది’ అంటూ అక్షయ్‌ను ప్రాజెక్ట్‌లోకి ఆహ్వానించింది మూవీ యూనిట్‌. ఈ చిత్రం ప్రకటించిన తర్వాత ఇప్పటివరకు ఇందులోని నటీనటులు గురించి వెల్లడించలేదు. మొదటిసారి అక్షయ్‌ భాగమైనట్లు తెలుపుతూ పోస్ట్‌ చేయడంతో అభిమానులు సంబరపడుతున్నారు. ఈ ఏడాదిలో అక్షయ్‌.. ‘టాక్సిక్‌’తో కన్నడ ఇండస్ట్రీలోకి ఎంట్రీ ఇవ్వనున్నారు. యశ్‌ నటిస్తోన్న 19వ చిత్రమిది. ఏ ఫెయిరీ టేల్‌ ఫర్‌ గ్రోన్‌ అప్స్‌.. అన్నది ఉపశీర్షిక. వచ్చే ఏడాది ఏప్రిల్‌ 10న ప్రేక్షకుల ముందుకురానుంది.’కేజీఎఫ్‌’ సిరీస్‌ విజయాల తర్వాత యశ్‌ నుంచి వస్తున్న సినిమా కావడంతో దీనిపై ఇప్పటికే ప్రేక్షకుల్లో భారీ అంచనాలు నెలకొన్నాయి.
యశ్‌ ‘టాక్సిస్‌’లోకి అక్షయ్‌ ఒబెరాయ్‌ఎంట్రీ ..
