ప్రస్తుతం తెలుగు టాలీవుడ్ తో పాటు అన్ని ఇండస్ట్రీస్‌లో వారసులదే హవా కొనసాగుతుంది. ఇక సూపర్ స్టార్ కృష్ణ కుటుంబం నుంచి ముందుగా దివంగత రమేష్ బాబు హీరోగా ఎంట్రీ ఇచ్చారు. కానీ ప్రేక్షకాదరణ పొందలేకపోయారు. ఆ తర్వాత మహేష్ బాబు తండ్రి బాటలో హీరోగా ఎంట్రీ ఇచ్చి టాలీవుడ్ బాక్సాఫీస్‌ను షేక్ చేస్తూ తండ్రి తగ్గ తనయుడు అనిపించుకున్నారు. ఆ తర్వాత కృష్ణ ఫ్యామిలీ పేరు చెప్పుకొని.. చిన్నల్లుడు సుధీర్ బాబు పోసాని కూడా హీరోగా ఎంట్రీ ఇచ్చేసారు. ఇపుడు కృష్ణ మనవడు.. మహేష్ బాబు మేనల్లుడు అశోక్ గల్లా కూడా కథానాయకుడుగా ‘హీరోవీతో ఎంట్రీ ఇచ్చాడు. సంక్రాంతి కానుకగా జనవరి 15న విడుదలైన ఈ సినిమా మంచి టాక్ సొంతం చేసుకుంది. ఈ సినిమాకు డీసెంట్ కలెక్షన్స్ రాబడుతోంది.అయితే.. తాజాగా ఈ సినిమా ఓటీటీ ఫ్లాట్‌ఫామ్‌లోకి అడుగు పెట్టబోతోంది. దీనికి సంబంధించి స్ట్రీమింగ్ డేట్ కుడా ఫిక్స్ అయింది.
లేటెస్ట్ గా ఈ సినిమా IMDB (Internet Movie Data Base)లో 9.2/10 రేటింగ్ సొంతం చేసుకుంది. తెలుగులో ఈ రేంజ్ రేటింగ్ తెచ్చుకున్న సినిమా ఏది లేదు. ఇక సూపర్ స్టార్ కృష్ణ, మహేష్ బాబు ఇన్నేళ్ల కెరీర్‌లో ఏ సినిమాకు ఈ స్థాయి రేటింగ్ IMDBలో రాలేదు. కానీ గల్లా అశోక్ ఫస్ట్ మూవీతోనే ఈ ఫీట్ అందుకోవడంతో సూపర్ స్టార్ ఫ్యాన్స్ ఆనందం వ్యక్తం చేస్తున్నారు. ఈ సినిమాను శ్రీరామ్ ఆదిత్య డైరెక్ట్ చేసారు. ఈ సినిమాలో అశోక్ గల్లా సరసన నిధి అగర్వాల్ కథానాయికగా నటించింది. ‘హీరో’ చిత్రాన్ని సినీ నేపథ్యంలో తెరకెక్కించారు. ఒక సామాన్య వ్యక్తి ఇండస్ట్రీలో హీరో కావాలనుకుంటారు. ఈ సందర్బంగా తన ప్రయాణంలో ఎదురైన కష్టాలను ఎలా ఎదుర్కొన్నాడు. చివరకు అనుకున్నది సాధించారా లేదా అనేదే ‘హీరో’ కథ. ఈ సినిమాలో గల్లా అశోక్ తండ్రి పాత్రలో సీనియర్ నరేష్ నటించారు. మిగతా పాత్రల్లో జగపతి బాబు నటించారు. ఇప్పటికే థియేట్రికల్ రన్ ముగింపుకు వచ్చిన ఈ సినిమా డిస్నీ హాట్ స్టార్‌లో ఫిబ్రవరి 11న స్ట్రీమింగ్ కానుంది. ఈ విషయాన్ని డిస్నీ హాట్ స్టార్ అధికారికంగా ప్రకటించింది. ఇప్పటికే థియేట్రికల్‌గా సక్సెస్ అందుకున్న ఈ సినిమా ఓటీటీలో ఏ మేరకు ఆదరణ పొందుతుందో చూడాల్సిందే..!
ఓటీటీ ఫ్లాట్‌ఫామ్‌లోకి ‘హీరో’!?
