పాన్ ఇండియా స్టార్ ప్రభాస్ ఇప్పుడు తన పద్దతిని పూర్తిగా మార్చుకున్నారు. ఇదివరకైతే.. తను కమిట్ అయిన సినిమాలను ఒక్కొక్కటిగా పూర్తి చేయడం అలవాటుగా ఉండేది. కానీ ఈ సారి తన పద్ధతి మార్చి విరామం లేకుండా వరుస చిత్రాల్లో నటిస్తూ అందర్నీ ఆశ్చర్య పరుస్తున్నారు. సెట్‌లో అడుగుపెడుతూ ఎంతో హుషారుగా కనిపిస్తున్నారు ప్రభాస్. ప్రస్తుతం తను చేస్తున్న సినిమాలను పూర్తి చేయడమే కాదు.. కొత్త చిత్రాల షూటింగ్‌లనూ వెంటనే ప్రారంభిస్తున్నారు. ప్రభాస్ ‘సలార్’, ‘ప్రాజెక్ట్‌ కె’ వంటి భారీ చిత్రాల రెగ్యులర్‌ షూటింగ్స్‌ చేస్తున్నారు. ‘ఆది పురుష్‌’ సినిమా వర్క్‌ కూడా కొంత పెండింగ్‌ లో ఉంది. ఇవన్నీ ఉండగానే…తాజాగా మారుతి దర్శకత్వంలో నటిస్తున్న సినిమా సెట్‌లో సైతం అడుగుపెట్టారు. హైదరాబాద్‌లో ఓ భారీ హౌస్‌ సెట్‌లో ఈ సినిమా షూటింగ్‌ జరుగుతున్నట్లు తెలిసింది. ప్రభాస్ నటిస్తున్న తొలి హారర్‌ కామెడీ మూవీ ఇది కాగా..ఆద్యంతం హిలేరియస్‌గా తెరకెక్కిస్తున్నట్లు సమాచారం. తాజా షెడ్యూల్‌ కోసం ప్రభాస్ వారం పాటు డేట్స్ ఇచ్చారట. ఈ సినిమాకు సంబంధించిన మరిన్ని వివరాలు చిత్రబృందం అధికారికంగా వెల్లడించనున్నారు. మాళవిక మోహనన్‌ నాయికగా నటిస్తున్న ఈ చిత్రంలో మరో ఇద్దరు హీరోయిన్స్‌ ఉంటారని యూనిట్ వర్గాలు చెబుతున్నాయి. టాలీవుడ్‌లో రాబోతున్న మోస్ట్ క్రేజీ కాంబినేషన్‌ ఏదైనా ఉందా..? అంటే అది మారుతి-ప్రభాస్ దే అని చెప్పాలి. పాన్ ఇండియా హీరో ఇమేజ్‌ సంపాదించుకున్న తర్వాత గ్లోబల్‌ స్టార్‌గా మారిన ప్రభాస్.. మళ్లీ ఎంటర్‌టైన్‌మెంట్‌ జోనర్‌లో తెలుగు సినిమా చేస్తుండటం, అది కూడా హ్యూమర్ టచ్‌ ఉన్న సినిమాలు చేసే మారుతి డైరెక్షన్‌లో నటిస్తుండటంతో అందరిలో ఆసక్తి నెలకొంది. తాజాగా ఈ సినిమాకు సంబంధించి ప్రభాస్ ఈ ప్రాజెక్ట్‌ షూటింగ్‌లో జాయిన్‌ అయ్యాడు. రామోజీఫిలిం సిటీలో వేసిన భూత్‌ బంగ్లా సెట్స్‌ లో జరుగుతున్న షూట్‌లో ప్రభాస్ పాల్గొంటున్నారు. ప్రభాస్ ప్రస్తుతానికి షూట్‌ కోసం వారంరోజులు డేట్స్ ఇచ్చాడని సమాచారం. సోషల్ మీడియా సెన్సేషన్‌ మాళవికా మోహనన్‌ ఈ చిత్రంలో ఫీ మేల్ లీడ్ రోల్‌లో నటిస్తోంది. హార్రర్ కామెడీ జోనర్‌లో తెరకెక్కుతున్న ఈ మూవీ పీపుల్ మీడియా ఫ్యాక్టరీ బ్యాన‌ర్‌పై తెర‌కెక్కుతుంది. ప్రభాస్ ఇప్పటికే బ్యాక్ టు బ్యాక్ పాన్ ఇండియా సినిమాలతో ఫుల్ బిజీగా ఉన్నాడు. ఆది పురుష్‌, సలార్, ప్రాజెక్టు కే షూటింగ్‌ దశలో ఉన్నాయి.
ఇక విరామం లేకుండా షూటింగుల్లో ప్రభాస్!?
