అల్లం రాజు దర్శకత్వంలో మనీష్, సోనియానాయుడు, ప్రీతీ హెస్సోనా హీరో హీరోయిన్లుగా పార్వతి సినిమాస్ బ్యానర్ పై ప్రొడక్షన్ నెం.1 చిత్రం ఆదివారం రామానాయుడు స్టూడియోలో ఘనంగా ప్రారంభమైంది. ఈ సందర్బంగా జరిగిన ప్రారంభోత్సవంలో ప్రముఖ దర్శకుడు తమ్మారెడ్డి భరద్వాజ మూహూర్తం షాట్ పై క్లాప్ నివ్వగా, ‘రజాకార్’ దర్శకుడు యాట సత్యనారాయణ కెమెరా స్విచ్ ఆన్ చేశారు. తొలి షాట్ కు ‘కమిటీ కుర్రోళ్ళు’ఫేమ్ యశ్వంత్ పెండ్యాల దర్శకత్వం వహించారు. ఈ చిత్రానికి పార్వతి నిర్మాత. ఈ సందర్బంగా ‘రజాకార్’ దర్శకుడు యాట సత్యనారాయణ మాట్లాడుతూ … ఈ సినిమా కథ నేను విన్నాను. చాలా బావుంది. అన్ని వర్గాల ప్రేక్షకులు ఈ సినిమా కథతో ప్రయాణం చేస్తారు. సినిమా దర్శకుడు అల్లం రాజుఎంతో చక్కగా ఈ సినిమాని తెరకెక్కిస్తాడన్న నమ్మకం నాకుంది” అన్నారు. దర్శకుడు అల్లం రాజు మాట్లాడుతూ.. ” రిటీనా చిత్ర ప్రారంభోత్సవానికి హాజరైన సినీ ప్రముఖులందరికీ కృతజ్ఞతలు. హార్డ్ వర్క్ చేస్తేనే సక్సెస్ వస్తుంది. అలాంటి సక్సెస్ రావాలంటే సినిమా అన్ని వర్గాల వారికి నచ్చేలా ఉండాలి. మా పార్వతి సినిమాస్ ప్రొడక్షన్ నెం.1గా ప్రేక్షకుల ముందుకొచ్చే ఈ నూతన చిత్రం ‘రెటీనా’ అందరూ మెచ్చేలానే ఉంటుంది. ప్రతీ ఒక్కరికీ సంతృప్తిని కలిగించేలా ఈ సినిమాను తెరకెక్కిస్తాం. ‘రెటీనా’ అనేది ప్రతీ ఒక్కరి జీవితంలో ఎంతో ముఖ్యం. ప్రేక్షకులకు రియల్ అనుభూతి ఇవ్వాలని సినిమాని అందంగా రూపొందిస్తాం. టెక్నికల్ బ్రిలియన్స్ తో పాటు భావోద్వేగాలు, సహజమైన పరిస్థితులు అన్నీ ఈ సినిమాలో మిళితమై ఉంటాయి. ప్రేక్షకులకు గొప్ప అనుభూతి ఇవ్వాలనే లక్ష్యంతో సినిమాను రూపొందిస్తాం” అని అన్నారు. ‘కమిటీ కుర్రోళ్ళు’ఫేమ్ యశ్వంత్ పెండ్యాల మాట్లాడుతూ.. యువతరం అందరికీ నచ్చే కథతో ఈ చిత్రం రూపొందుతోంది. ప్రతీ యువకుడు తనని తానూ ఈ చిత్రంలో చూసుకుంటాడు . అన్ని వర్గాల వారు కనెక్టయ్యే కథతో ఈ సినిమా తెరకెక్కుతోంది అన్నారు. యోగికత్రి, సతీష్, పూజితా, విజయలక్ష్మి, కె.వి.ఎల్. నరసింహారావు(హై కోర్ట్ అడ్వకేట్ ) తదితరులు నటిస్తున్న ఈ చిత్రానికి ఎగ్జిక్యూటీవ్ ప్రొడ్యూసర్ : పి. కె. రవికుమార్, డైరక్టర్ ఆఫ్ ఫొటోగ్రఫీ : రవి.కె.రెడ్డి, మ్యూజిక్ డైరెక్టర్: రాకేష్, ప్రొడక్షన్ డిజైనర్ : ఏ.వాసు, పి.ఆర్.ఓ : బాబు నాయక్.
