లేడీ సూపర్‌ స్టార్‌ నయనతార జోరు మామూలుగా లేదు. ఇటివలే షారుక్‌ ఖాన్‌ ‘జవాన్‌’తో నేషనల్‌ వైడ్‌ బ్లాక్‌ బస్టర్‌ని అందుకున్న ఈ భామ.. తాజాగా ‘అన్నపూరణి’ . సినిమాతో మరో బ్లాక్‌ బస్టర్‌ అందుకుంది. నయన్‌ కెరీర్‌లో 75వ సినిమాగా వచ్చిన ఈ సినిమాను నీలేష్‌ కృష్ణ దర్శకత్వం వహించాడు. ఇదిలా ఉంటే.. ఈ సూపర్‌ స్టార్‌ తాజాగా మరో కొత్త సినిమాతో వస్తుంది. అయితే ఈ సినిమాలో నయనతార ఓ యంగ్‌హీరోకు అక్కగా నటించనున్నారట. తన భర్త విఘ్నేశ్‌ శివన్‌ డైరెక్షన్‌లో తెరకెక్కుతున్న ఈ సినిమాలో నయన్‌ సిస్టర్‌ రోల్‌ చేయబోతుంది. ‘లవ్‌ టుడే’ సినిమాతో సెన్సేషన్‌ క్రియేట్‌ చేసిన డైరెక్టర్‌ కమ్‌ హీరో ప్రదీప్‌ రంగనాథన్‌తో విఘ్నేశ్‌ శివన్‌ ప్రస్తుతం ఒక సినిమా చేయబోతున్నాడు. అయితే ఈ సినిమాలోనే ప్రదీప్‌కు అక్కగా నయనతార నటించనున్నట్లు తెలుస్తుంది. ఇక ఈ సినిమాలో హీరోయిన్‌గా బాలీవుడ్‌ స్టార్‌ జాన్వీ కపూర్‌ నటించనున్నట్లు సమాచారం. అయితే ఈ విషయంపై మూవీ మేకర్స్‌ ఇంకా అధికారిక అనౌన్స్‌మెంట్‌ చేయలేదు. మరోవైపు కమల్‌ హాసన్‌, మణిరత్నం కాంబోలో వస్తున్న తన డ్రీమ్‌ ప్రాజెక్ట్‌లో నటిస్తుంది నయనతార. అంతకుముందు విఘ్నేశ్‌ శివన్‌ డైరెక్షన్‌లో వచ్చిన నానుమ్‌ రౌడి ధాన్‌, కత్తువాకుల రెండు కాదల్‌ చిత్రాలలో నయనతార హీరోయిన్‌గా నటించింది. ఈ సినిమాలు బాక్సాఫీస్‌ వద్ద హిట్ గా నిలిచాయి.
మళ్లీ భర్త విఘ్నేశ్‌ శివన్‌ డైరెక్షన్‌లో నయనతార!
