రమేశ్ వర్మ దర్శకత్వంలో మాస్ మహారాజ్ రవితేజ హీరోగా వచ్చిన తాజా సినిమా `ఖిలాడి`. ఏ స్టూడియోస్ పెన్ స్టూడియోస్ బ్యానర్లపై సత్యనారాయణ కొనేరు నిర్మించిన ఈ చిత్రంలో డింపుల్ హయతి, మీనాక్షి చౌదరి హీరోయిన్లుగా నటించారు. దేవిశ్రీ ప్రసాద్ సంగీతం అందించిన `ఖిలాడి` భారీ అంచనాల నడుమ ఫిబ్రవరి 11న విడుదలైన సంగతి తెలిసిందే. అయితే.. ఈ చిత్రంలో డింపుల్ హయతి మాత్రం ఓ రేంజ్ లో తన అందాలను ఆరబోసింది. స్టన్నింగ్ లుక్స్ తో ప్రేక్షకులను విశేషంగా అలరించింది. ముఖ్యంగా కుర్రకారు ఈ బ్యూటీ గ్లామర్ షోకు ఫిదా అయిపోయారు. ‘ఖిలాడి’ సినిమా విజయాన్ని అందుకోలేకపోయినా డింపుల్ హయతి క్రేజ్ మాత్రం ఓ రేంజ్ లో పెరిగిపోయింది. 19 ఏండ్లకే టాలీవుడ్ లో ‘గల్ఫ్’ అనే మూవీతో ఎంట్రీ ఇచ్చిందీ సుందరి. అయితే పలు సినిమాల్లో నటిస్తున్నా పెద్దగా డింపుల్ హయాతీకి గుర్తింపు రాలేదు. మెగా ప్రిన్స్ వరుణ్ తేజ్ నటించిన గద్దలకొండ గణేష్ మూవీలో డింపుల్ హయాతీ స్పెషల్ సాంగ్ లో నటించి మాస్ గాళ్ల మనస్సులను కొల్లగొట్టింది. ఆ తర్వాత యురేఖ మూవీలోనూ నటించింది. కానీ పెద్దగా ఆశించినంత ఫేమ్ రాలేదు. ప్రస్తుతం రవితేజ నటించిన ‘ఖిలాడీ’లో మాస్ మహారాజా సరసన నటించి మెప్పించింది. తన గ్లామర్ తో కుర్రాళ్లను కట్టిపడేసింది. ప్రస్తుతం అంతో ఇంతో ‘డింపుల్ హయాతీ’కి ఫ్యాన్ ఫాలోయింగ్ కూడా ఉంది. సోష‌ల్ మీడియాలో తన అంద‌చందాల‌తో తెగ ర‌చ్చ చేస్తుంటుంది. ఇదిలా ఉండగా తాజాగా ఈ బ్యూటీ టాలీవుడ్ స్టార్ హీరో గోపీచంద్ చిత్రంలో బంపర్ ఆఫర్ పట్టేసింది. వివరాల్లోకి వెళితే.. మారుతి దర్శకత్వంలో `పక్కా కమర్షియల్` చిత్రాన్ని పూర్తి చేసుకున్న గోపీచంద్.. తన తదుపరి చిత్రాన్ని దర్శకుడు శ్రీవాస్ తో ప్రకటించిన సంగతి తెలిసిందే. వీరి కాంబోలో తెరకెక్కుతున్న మూడో సినిమా ఇది. ఇంతకు ముందు గోపీచంద్ శ్రీవాస్ కలిసి ‘లక్ష్యం’, ‘లౌక్యం’ సినిమాలు చేయగా.. రెండూ బాక్సాఫీస్ వద్ద కాసుల వర్షం కురిపించాయి. దీంతో వీరి తాజా చిత్రంపై భారీ అంచనాలు ఏర్పడ్డాయి. పీపుల్స్ మీడియా ఫ్యాక్టరీ బ్యానర్ పై విశ్వప్రసాద్ ఈ చిత్రాన్ని నిర్మిస్తున్నారు. కోల్ కత్తా బ్యాక్ డ్రాప్ లో రూపుదిద్దుకుంటున్న ఈ చిత్రంలో హీరోయిన్ గా డింపుల్ హయతిని ఎంపిక చేసుకున్నారట.
.
