టాలీవుడ్ అగ్ర నిర్మాత అల్లు అరవింద్ కాంపౌండ్ నుంచి వచ్చిన మొట్టమొదటి స్ట్రీమింగ్ యాప్ ‘ఆహా’ ఎంతటి పేరును తెచ్చుకుందో తెలిసిందే. ఈ ఓటిటి యాప్ అనూహ్య విజయాన్ని సొంతం చేసుకొని ఇప్పుడు మరింత స్థాయిలో కంటెంట్ ని విస్తరింపజేస్తోంది. అయితే.. ఇంకో ప్రత్యేకత కూడా ఉంది ఈ ఓటిటి యాప్ కి. ఈ యాప్ ద్వారానే నందమూరి బాలయ్య తన కెరీర్ లో మొట్ట మొదటి సారిగా హోస్ట్ అవ్వడం హాట్ టాపిక్ గా మారింది. ‘అన్ స్టాప్పబుల్’ అనే ఈ గ్రాండ్ టాక్ షో ఫస్ట్ ఎపిసోడ్ నుంచే ఎంతో ఆసక్తికర కంటెంట్ తో కొనసాగుతూ అందర్నీ ఆకట్టుకుంటోంది. అలా ఝలక్ లు ఇస్తూ సాగుతున్న టాక్ షో తాజాగా పాన్ ఇండియా దర్శకుడు, మన దర్శకధీరుడు ఎస్.ఎస్. రాజమౌళి వద్దకు వచ్చింది. దర్శకుడు రాజమౌళితో పాటు, ప్రఖ్యాత సంగీత దర్శకుడు ఎం.ఎం కీరవాణి ఈ గ్రాండ్ షోలో నటసింహం నందమూరి బాలయ్యతో కలిసి స్క్రీన్ పంచుకున్నట్టుగా తెలిసింది. ఈ ‘షో’ కు సంబంధించిన కొన్ని ఫొటోలు సోషల్ మీడియాలో చక్కర్లు కొడుతూ తెగ వైరల్ అవుతున్నాయి. తాజాగా ఎన్.టి.ఆర్-రామ్ చరణ్ హీరోలుగా దర్శకధీరుడు ఎస్.ఎస్. రాజమౌళి తెరకెక్కించిన సంచలన చిత్రం త్రిబుల్ ఆర్ (RRR) జనవరి 7న విడుదలకు సిద్ధంగా ఉన్న సంగతి అందరికీ తెలిసిందే. అయితే.. ఈ ఎపిసోడ్ ఎలాంటి ఎంటర్ టైన్ మెంట్ ని అందించిందో ‘ఆహా’లో స్ట్రీమింగ్ అయ్యే వరకు ఆగాల్సిందే. దీనికి సంబంధించిన ప్రోమో కూడా త్వరలోనే రానుందని, ఈ షో డిసెంబర్ 17న స్ట్రీమింగ్ అవనుందని పుకార్లు షికారు చేస్తున్నాయి. బాలయ్య షోలో ‘RRR’ దర్శకుడు, సంగీత దర్శకుడు కీరవాణితో వెరీ స్పెషల్ ఎపిసోడ్ అంటే మాటలామరి!?
హాట్ టాపిక్ గా బాలయ్య-రాజమౌళి ‘అన్ స్టాప్పబుల్’ షో!?
