ఎస్ వి సినిమాస్ బ్యానర్ పై సీనియర్ జర్నలిస్ట్ అయిలు రమేష్ దర్శకత్వంలో సాయి కిరణ్ ఖరే నిర్మిస్తున్న “లక్నవరం గెస్ట్ హౌస్” చిత్రం షూటింగ్ ములుగు జిల్లా లక్నవరం లో ప్రారంభమైంది.శరవేగంగా షూటింగ్ జరుగుతుందని దర్శక, నిర్మాతలు అయిలు రమేష్, సాయి కిరణ్ ఖరె లుతెలిపారు. తమ చిత్ర యూనిట్ కు సహకరిస్తున్న తెలంగాణ పర్యాటక అభివృద్ధి సంస్థ చైర్మన్ ఉప్పల శ్రీనివాస్ గుప్త గారికి వారు ప్రత్యేక కృత్ఞతలు తెలిపారు. అలాగే టూరిజం శాఖ అధికారులు అశోక్, సుమన్, కిరణ్ లకు, కాకతీయ రిసార్ట్స్ అధినేత దినేష్ రెడ్డి లకు కృతజ్ఞతలు తెలిపారు. ఈ సందర్భంగా అయిలు రమేష్ మాట్లాడుతూ లక్నవరం లాంటి అందమైన లోకేష్ లలో షూటింగ్ జరుపుకుంటున్న “లక్నవరం గెస్ట్ హౌస్” చిత్రం ప్రతి ఒక్కరికీ నచ్చుతుందని చెప్పారు. ఈ చిత్రంలో సాయి తేజ, మమత, నిహారిక, రజాక్,శివ తేజ, శీలం శ్రీనివాస్, బి ఎస్ ఆర్, మర్రి రాజు యాదవ్, ఉప్పులేటి మల్లేశం, బాలు , అశోక్, మల్యాల మల్లయ్య గౌడ్ తదితరులు నటిస్తున్నారు. ఈ చిత్రానికి కెమెరా, ఎడిటింగ్ : శివ, మేకప్: అశోక్ శ్రీ రామోజు, అసిస్టెంట్ డైరెక్టర్: రాజు మర్రి, రచనా సహకారం: శివ ముప్పూరి, దేవి తోటాడ, నిర్మాత: సాయి కిరణ్ ఖరే, కథ, మాటలు, స్క్రీన్ ప్లే,దర్శకత్వం: అయిలు రమేష్
శరవేగంగా ‘లక్నవరం గెస్ట్ హౌస్’ షూటింగ్
