యంగ్ టైగర్ ఎన్టీఆర్ కొరటాల శివ దర్శకత్వంలో చేస్తున్న కొత్త సినిమా ‘NTR 30’ పనులు చకచకా నడుస్తున్నాయి. ‘ఎన్టీఆర్ 30’ అనే వర్కింగ్ టైటిల్ తో ఈ సినిమాను తెరకెక్కిస్తున్నారు. ఈ చిత్రంలో ఎన్టీఆర్ సరసన బీటౌన్ బ్యూటీ జాన్వీ కపూర్ హీరోయిన్ గా నటిస్తోంది. తాజాగా ఈ సినిమాకు సంబంధించి కీలక అప్ ఒకటి డేట్ బయటకు వచ్చింది. ఈ చిత్రం షూటింగ్ లో జాయిన్ అయ్యేందుకు హైదరాబాద్‌కు చేరుకుందట జాన్వీ కపూర్. ప్రస్తుతం ఆమె రామోజీ ఫిలిం సిటీలో ఉన్నట్లు సమాచారం.
”అప్పుడప్పుడూ ధైర్యానికి కూడా తెలియదు.. అవసరానికి మించి తను ఉండకూడదని.. అప్పుడు భయానికి తెలియాలి.. తను రావాల్సిన సమయం వచ్చిందని.. వస్తున్నా’’ -అంటూ ‘ఎన్టీఆర్ 30’ కోసం వదిలిన 30 సెకెన్ల టీజర్‌ ఈ సినిమాపై అంచనాలు పెంచేసింది. ఇప్పటికే ఈ సినిమా షూటింగ్ ప్రారంభించి తొలి షెడ్యూల్ కంప్లీట్ చేశారు. రీసెంట్ గా జరిగిన ప్రారంభోత్సవంలో ఈ సినిమా గురించి ఆసక్తికర విషయాలు చెప్పారు దర్శకుడు కొరటాల శివ. మృగాలను వేటాడే మగాడిగా ఎన్టీఆర్ క్యారెక్టర్ ఎంతో శక్తివంతంగా ఉంటుందని అన్నారు. దీంతో ఈ సినిమాపై ఓ రేంజ్ లో హైప్ క్రియేట్ అయింది. ఎన్టీఆర్ 30 కోసం భారీస్థాయిలో సెట్స్ వేయబోతున్న టీమ్.. గోవా, విశాఖ పట్నం వంటి ప్రాంతాల్లో యాక్షన్ సీన్స్ షూట్ చేయనున్నారు. మూవీ పాన్ ఇండియా సినిమాగా రాబోతున్న ఈ సినిమాతో జాన్వీ కపూర్ టాలీవుడ్ ఎంట్రీ ఇస్తుండగా.. బాలీవుడ్ నటుడు సైఫ్ అలీ ఖాన్ విలన్ రోల్ పోషిస్తుండడం విశేషం. నిజానికి రెండో షెడ్యూల్ గోవాలో ఉంటుందని అంతా అనుకున్నారు కానీ అందుకు భిన్నంగా హైదరాబాద్ లో ప్లాన్ చేశారట కొరటాల శివ. ఈ మేరకు రామోజీ ఫిలిం సిటీలో భారీ సెట్స్ వేసినట్లు తెలుస్తోంది. ఈ సెట్స్ లోనే శ్రీదేవి కుమార్తె జాన్వీ కపూర్ సందడి చేయనుందట. ఎన్టీఆర్, జాన్వీ కపూర్ జోడీపై కీలక సన్నివేశాల చిత్రీకరణ జరపనున్నారట. కథా రీత్యా ఈ సినిమాలో చాలా యాక్షన్ సీన్స్ ఉంటాయట. అంతేకాదు చిత్రంలో ఎన్టీఆర్ డ్యూయల్ రోల్ పోషిస్తున్నట్లు తెలుస్తుండటం నందమూరి అభిమానులను హుషారెత్తిస్తోంది. తండ్రి కొడుకులుగా ఎన్టీఆర్ నటిస్తున్నారని టాక్ బలంగానే వినిపిస్తోంది.
ఏమాత్రం కాంప్ర‌మైజ్ కాకుండా ముందుకు పోతున్న కొరటాల శివ టీమ్.. ఈ మూవీ కోసం రేయింబవళ్లు కష్టపడుతున్నారట. ఇప్పటికే కొందరు హాలీవుడ్ టెక్నీషియన్స్ రంగంలోకి దిగడం నందమూరి అభిమానుల్లో క్యూరియాసిటీ పెంచింది. ఈ సినిమా ఎన్టీఆర్ కెరీర్ లో ఓ మైల్ స్టోన్ అవుతుందంటున్నారు.
‘ఎన్టీఆర్ 30’ కోసం హైదరాబాద్ కు చేరుకున్న బీటౌన్ బ్యూటీ జాన్వీ కపూర్!
