బాలీవుడ్ లో ఎందరు టాప్ హీరోయిన్లు ఉన్నా.. అందరి దృష్టి ఆలియాపైనే! కెరీర్ ప్రారంభించిన తక్కువ సమయంలోనే అగ్ర కథానాయికల జాబితాలో చేరిపోయింది ఈ కుర్రబ్యూటీ. సీనియర్ భామల సైతం ఈ ఆలియా ముందు దిగదుడుపే అన్నంతగా ఎదిగేసింది. ఒక్కో సినిమాకి 8-10 కోట్ల పారితోషికం అందుకునే రేంజు ఆమెది. అలాంటి డిమాండ్ ఉన్న స్టార్ ని దర్శకధీరుడు ఎస్.ఎస్.రాజమౌళి తన ప్రతిష్ఠాత్మక పాన్ ఇండియా మూవీ ఆర్.ఆర్.ఆర్ కోసం లాక్ చేయడం ఆసక్తికరం. ఆలియా ఇప్పటికిప్పుడు వరుసగా నాలుగైదు పాన్ ఇండియా సినిమాలతో బిజీ. అయినా ఎస్.ఎస్.రాజమౌళి పీరియడ్ డ్రామా ఆర్.ఆర్.ఆర్ కి ఎలాంటి ట్రబుల్ ఇవ్వకుండా సెట్లో పాల్గొనడం ఆసక్తికరం. ఈ క్రేజీ మూవీ లో నటించేందుకు ఆమె ఎన్నో జాగ్రత్తలు తీసుకుందిట. ఈ సినిమాలో రామ్ చరణ్ స్వాతంత్య్ర సమరయోధుడు అల్లూరి సీతారామరాజు గా నటిస్తుండగా, అతడి సరసన సీత పాత్రలో నటిస్తోంది. నటిస్తున్న తొలి సినిమాతోనే సత్తా చాటేందుకు ఆలియా ఎంతగానో తపిస్తోంది. ఇప్పటికే అలియా కోచ్ ని నియమించుకుని తెలుగు నేర్చుకుంది. ఆమె తన సొంత స్వరంతో తన పాత్ర కోసం డబ్బింగ్ చెప్పుకోనుంది. ఈ ప్రతిష్ఠాత్మక పాన్ ఇండియా మూవీతోనే దక్షిణాది చిత్ర పరిశ్రమలో అడుగుపెడుతున్న ఆలియా తనదైన ముద్ర వేయాలనుకుంటోందట. ఈ హిస్టారికల్ ఫిక్షనల్ మూవీ కోసం డివివి దానయ్య రూ .400 కోట్ల బడ్జెట్ ని వెచ్చిస్తున్న సంగతి తెలిసిందే. ఇందులో ఎన్టీఆర్ – ఒలీవియా కీలక పాత్రల్లో నటిస్తున్న విషయం తెలిసిందే!
అందరి దృష్టి ఆలియాపైనే!
