తమ మద్దతుతో హైదరాబాద్ ప్రెస్ క్లబ్ ఎన్నికల్లో ఘన విజయం సాధించిన నూతన కార్యవర్గాన్ని తెలంగాణ రాష్ట్ర వర్కింగ్ జర్నలిస్టుల సంఘం(టీయూడబ్ల్యూజే) ఘనంగా సత్కరించింది. యూనియన్ అధ్యక్షులు నగునూరి శేఖర్ అధ్యక్షతన ఆదివారం నాడు హైదర్ గుడ లోని హోటల్ సెంట్రల్ పార్కులో జరిగిన ఈ సమావేశంలో ఐజేయూ అధ్యక్షులు కే. శ్రీనివాస్ రెడ్డి, కార్యదర్శి వై.నరేందర్ రెడ్డిలతో పాటు జాతీయ కార్యవర్గ సభ్యులు, రాష్ట్ర బాధ్యులు, ఆయా జిల్లాల అధ్యక్ష, కార్యదర్శులు పాల్గొన్నారు. ప్రెస్ క్లబ్ ఎన్నికలను ప్రతిష్టాత్మకంగా తీసుకొని, ప్రత్యర్థుల వ్యూహాలను చిత్తు చేసి ప్యానెల్ ను గెలిపించడానికి అహర్నిశలు కృషి చేసిన టీయుడబ్ల్యుజె రాష్ట్ర ప్రధాన కార్యదర్శి కె.విరాహత్ అలీ, ప్రెస్ క్లబ్ తాజా మాజీ అధ్యక్షులు విజయ్ కుమార్ రెడ్డిలను టీయూడబ్ల్యూజే రాష్ట్ర కార్యవర్గం అభినందిస్తూ వారిని సత్కరించింది. సత్కారం పొందిన వారిలో ప్రెస్ క్లబ్ నూతన అధ్యక్షులు వేణుగోపాల్ నాయుడు, ప్రధాన కార్యదర్శి రవికాంత్ రెడ్డి, మహిళా ఉపాధ్యక్షురాలు వనజ, సహాయ కార్యదర్శులు రమేష్ వైట్ల, హరిప్రసాద్, కోశాధికారి ఏ.రాజేష్, కార్యవర్గ సభ్యులు అనీల్, ఉమా, కస్తూరి శ్రీనివాస్, గోపరాజు, తీగుళ్ల శ్రీనివాస్, రాఘవేందర్ రెడ్డిలు ఉన్నారు.
హైదరాబాద్ ప్రెస్ క్లబ్ నూతన కార్యవర్గానికి టీయూడబ్ల్యూజే సత్కారం
