సూపర్ స్టార్ మహేష్ బాబు నటిస్తున్న లేటెస్ట్ యాక్షన్ ఎంటర్టైనర్ సర్కారు వారి పాట. డైరెక్టర్ పరశురామ్ పెట్లా ప్రతిష్టాత్మకంగా తెరకెక్కిస్తున్న ఈ చిత్రంలో మలయాళ ముద్దుగుమ్మ కీర్తి సురేష్ హీరోయిన్ గా నటిస్తోంది. ఇప్పటికే దుబాయ్, హైదరాబాద్ లలో భారీ షెడ్యూల్స్ పూర్తి చేసింది. తాజా షెడ్యూల్ షూటింగ్ కోసం గోవా పయనమయ్యారు సర్కారు వారి టీమ్. గోవా లో ఇంటెన్స్ ఫైట్ తో తాజా షెడ్యూల్ చిత్రీకరణ మొదలైంది. ఫైట్ మాస్టర్స్ ద్వయం రామ్-లక్ష్మణ్ నేతృత్వంలో ఈ యాక్షన్ సీక్వెన్స్ షూట్ జరుగుతోంది.
ఈ విషయాన్ని తెలియచేసిన మేకర్స్.. లొకేషన్ లోని ఓ ఫోటోని సోషల్ మీడియా మాధ్యమాలలో షేర్ చేశారు. ఇందులో దర్శకుడు పరశురామ్ సన్నివేశం గురించి వివరిస్తుండగా.. మహేష్ బాబు ఆసక్తిగా వింటూ ఉన్నారు. ఈ ఫొటోలో రామ్-లక్ష్మణ్ ఫైట్ మాస్టర్స్ ని కూడా చూడొచ్చు. ఇకపోతే మహేష్ బర్త్ డే స్పెషల్ గా విడుదల చేసిన సర్కారు వారి పాట బ్లాస్టర్ విశేష స్పందన తెచ్చుకుని యూట్యూబ్ లో రికార్డులు క్రియేట్ చేస్తోంది. టాలీవుడ్ లో 24 గంటల్లో అత్యధిక వ్యూస్ తెచ్చుకున్న టీజర్ గా ఈ బ్లాస్టర్ ఆల్ టైం రికార్డ్ నమోదు చేసింది.
ఇప్పటి వరకు 33 మిలియన్ల వ్యూస్ తో ట్రెండింగ్ లో కొనసాగుతోంది. ఇందులో స్టైలిష్ అండ్ ఎనర్జిటిక్ మహేష్ బాబు స్క్రీన్ ప్రెజన్స్ – ట్రేడ్ మార్క్ డైలాగ్ డెలివరీ వింటేజ్ సూపర్ స్టార్ ని గుర్తు చేశాయని చెప్పవచ్చు. సంక్రాంతి కానుకగా 2022 జనవరి 13న ఈ సినిమా విడుదల కానుంది. అయితే.. ఈ సినిమా తర్వాత మహేష్ త్రివిక్రమ్ తో సినిమా చేయనున్నారు. అందుచేత పరశురామ్ కి మహేష్ టార్గెట్ పెట్టారట. ఏంటా టార్గెట్ అంటే.. 45 రోజుల్లో ఈ సినిమా షూటింగ్ ను కంప్లీట్ చేయాలనేది ఆ టార్గెట్. దీంతో పరశురామ్ పక్కా ప్లాన్ తో 45 రోజుల్లో సర్కారు వారి పాట షూటింగ్ కంప్లీట్ చేయడం కోసం చాలా ఫాస్ట్ గా షూటింగ్ చేస్తున్నారని సమాచారం.
టార్గెట్ ఫిక్స్ చేసిన మహేష్. ఇంతకీ ఏంటది.?
