– ఆహాతో ఓటిటి ప్లాట్ ఫాం లోకి అడుగుపెడుతున్న షణ్ముఖ్ జస్వంత్ –
తన ప్రియమైన అభిమానులని అలరించడానికి ఆహా ఎప్పుడూ సిద్ధంగా ఉంటుంది. ప్రస్తుతం ‘ఏజెంట్ ఆనంద్ సంతోష్’ అనే సరికొత్త వెబ్ సిరీస్ తో ఆహా వచ్చేస్తుంది. యూట్యూబ్ స్టార్ షణ్ముఖ్ జస్వంత్ ఈ వెబ్ సిరీస్ తో ఓటిటి ప్రపంచంలోకి అడుగుపెడుతున్నాడు. ఈ వీక్లీ వెబ్ సిరీస్ టీజర్ ను దర్శకుడు అనిల్ రావిపూడి 11 జులై సాయంత్రం 6.30 గంటలకు విడుదల చేసారు.
ఏజెంట్ ఆనంద్ సంతోష్ (ఏఏఎస్) వెబ్ సిరీస్ విషయానికి వస్తే.. 10 ఎపిసోడ్స్ గల ఈ సిరీస్ ప్రతి వారం ప్రేక్షుకుల ముందుకి ఒక కొత్త ఎపిసోడ్ తో వస్తుంది. సంతోష్ (షణ్ముఖ్) డిటెక్టివ్ అవ్వాలని ప్రయత్నిస్తుంటాడు. ఆ ప్రయత్నంలో భాగంగా ఒక డిటెక్టివ్ ఏజెన్సీ లో చేరుతాడు. సంతోష్ మరియు తన స్నేహితుడు అయోమయం (ప్రిథ్వి ఝాకాస్) కలిసి ఎలాంటి కేసు లు పరిష్కరిస్తారు? ఎలా చేస్తారు? తెలియాలంటే ఆహాను స్ట్రీమ్ చేయండి, లాంచ్ డేట్ తెలుసుకోండి.
ఆహా మరియు ఇన్ఫినిటం కలిసి మొట్ట మొదటి సారిగా అందరిని అలరించడానికి ఏజెంట్ ఆనంద్ సంతోష్ డిటెక్టివ్ వెబ్ సిరీస్ తో మన ముందుకు వస్తున్నారు.
