అవినాష్ తిరువీధుల హీరోగా, దర్శకుడిగా పరిచయమవుతున్న సినిమా ‘వనవీర’. ఈ చిత్రంలో సిమ్రాన్ చౌదరి హీరోయిన్ గా నటిస్తోంది. నందు ప్రతినాయకుడిగా కనిపించనున్నారు. ‘వనవీర’ చిత్రాన్ని శంతను పత్తి సమర్పణలో సిల్వర్ స్క్రీన్ సినిమాస్ బ్యానర్ పై అవినాష్ బుయానీ, ఆలపాటి రాజా, సి.అంకిత్ రెడ్డి నిర్మిస్తున్నారు. సాయిమాధవ్ బుర్రా డైలాగ్స్, వివేక్ సాగర్ మ్యూజిక్ ఈ సినిమాకు ప్రత్యేక ఆకర్షణ కాబోతున్నాయి. మైథలాజికల్ రూరల్ డ్రామా కథతో తెరకెక్కిన “వనవీర” సినిమా న్యూ ఇయర్ సందర్భంగా జనవరి 1న వరల్డ్ వైడ్ గ్రాండ్ థియేట్రికల్ రిలీజ్ కు రెడీ అవుతోంది. ఈ రోజు ఈ సినిమా ట్రైలర్ లాంఛ్ ఈవెంట్ ను ఘనంగా నిర్వహించారు. ఈ సందర్బంగా హీరో, డైరెక్టర్ అవినాష్ తిరువీధుల మాట్లాడుతూ.. అన్ని నిబంధనల ప్రకారమే మా మూవీ టైటిల్ రిజిస్టర్ చేసుకున్నాం. గతేడాది అనౌన్స్ చేశాం. ఇప్పుడు కొద్ది రోజుల్లో రిలీజ్ ఉంది అనగా టైటిల్ మార్చమని చెబితే మాలాంటి చిన్న మూవీస్ ప్రొడ్యూసర్స్ ఎంత ఇబ్బంది పడతారో ఆలోచించండి. గతంలో వాల్మీకి సినిమాను గద్దలకొండ గణేష్ గా మార్చారు. పెద్ద హీరో, డైరెక్టర్, ప్రొడక్షన్ వల్ల ఆడియెన్స్ లోకి త్వరగా రీచ్ అయ్యింది. ఇప్పుడు ఐదు రోజుల్లో మా సినిమా రిలీజ్ కు ఉంది. పబ్లిసిటీ మీద ఖర్చు చేశాం. హైదరాబాద్ తో పాటు ఏపీలో ప్రమోషనల్ టూర్స్ చేశాం. ఇప్పుడు మీడియా మిత్రుల మీదే మా నమ్మకం పెట్టుకున్నాం. మీరే మా టైటిల్ ను అందరికీ తెలిసేలా చేయాలి. కిరణ్ అబ్బవరం అన్నకు టైటిల్ వనవీర అని మార్చాం, ట్రైలర్ రిలీజ్ చేయాలని చెప్పగానే వెంటనే పంపించు చేస్తానని అన్నారు. ఆయనకు థ్యాంక్స్ చెబుతున్నాం. మా సినిమాలో కీ రోల్స్ చేసిన ప్యాడింగ్ ఆర్టిస్టులు ఎవరు కూడా కనీసం సోషల్ మీడియా ద్వారా కూడా సపోర్ట్ చేయడం లేదు. నటించిన సినిమాకు కనీసం పబ్లిసిటీ చేయాలనేది వారి బాధ్యతగా భావించడం లేదు. రూరల్ బ్యాక్ డ్రాప్ లో సాగే చిత్రమిది. మైథాలజీ టచ్ ఉంటుంది. వానర అంటే హనుమంతుడే గుర్తుకు వస్తాడు, కులం, రాజకీయాలు వంటి సున్నిత అంశాలున్న ఈ చిత్రానికి ఆ టైటిల్ సరికాదు అనేది సెన్సార్ వారు చెబుతున్నారు. మేము అంగీకరిస్తాం కానీ ముందే మాకు ఇలాంటి విషయాల గురించి అబ్జెక్షన్ చెప్పాల్సింది. మా సినిమా కంటెంట్ మీద పూర్తి నమ్మకంతో ఉన్నాం. ఒక హిట్ సినిమాను ప్రేక్షకులకు ఇవ్వబోతున్నాం. మా సినిమా నిరాశపర్చదు అనే కాన్పిడెంట్ తో ఉన్నాం అన్నారు.ఈ కార్యక్రమంలో నటుడు హర్ష, నటుడు బాబీ, డీవోపీ ఛోటా కె ప్రసాద్, హీరోయిన్ సిమ్రాన్ చౌదరి, నిర్మాత శంతను పత్తి, అతిథిగా వచ్చిన ప్రొడ్యూసర్ రాజేష్ దండా తదితరులు మాట్లాడారు.
సెన్సార్ సూచనలతోనే ‘వనవీర’గా టైటిల్ మార్పు
