‘లైగర్’లో బాలయ్య కనిపించబోతున్నారా..? టాలీవుడ్ లో ఇప్పుడు ఎవ్వరినోటా విన్నా ఇదేమాట. వివరాల్లోకి వెళితే.. టాలీవుడ్ క్రేజీ స్టార్ విజయ్ దేవరకొండ హీరోగా, అనన్య పాండే హీరోయిన్‌గా డాషింగ్ డైరెక్టర్ పూరీ జగన్నాథ్ కాంబినేషన్‌లో రూపొందుతున్న సూపర్ హై వోల్టేజ్ యాక్షన్ ఎంటర్‌టైనర్, భారీ పాన్ ఇండియన్ మూవీ ‘లైగర్’. ఈ చిత్రం ధర్మ ప్రొడక్షన్స్- పూరి కనెక్ట్స్ పతాకంపై తెరకెక్కుతోంది. ప్రముఖ బాక్సింగ్ లెజెండ్ మైక్ టైసన్ ఈ లైగర్’లో కీలక పాత్రని పోషిస్తున్నాడు. అయితే.. తాజాగా ‘లైగర్’లో నందమూరి బాలకృష్ణ కూడా ఒక ప్రత్యేక పాత్రలో కనిపించబోతున్నరంటూ వార్త సోషల్ మీడియాలో తెగ చక్కర్లు కొడుతోంది. పూరిజగన్నాథ్ దర్శకత్వంలో బాలకృష్ణ ‘పైసా వసూల్’ సినిమాలో నటించిన విషయం తెలిసిందే. అందులో బాలయ్య చేసిన మాస్ క్యారెక్టర్ ప్రతి ఒక్కరినీ.. ఆయన అభిమానులను సైతం విశేషంగా అలరించిందనే చెప్పాలి దాంతో ‘లైగర్’లో బాలయ్య కనిపించబోతున్నారని సమాచారం. చూద్దాం.. మరి ఈ వార్తలో ఎంత నిజముందో తెలియాలంటే మేకర్స్ నుంచి అధికారిక ప్రకటన రావాల్సిందే. ఆ ప్రకటన వచ్చే వరకు మనం ఆగాల్సిందే!!
‘లైగర్’లో బాలయ్య?
