- ప్రధాన కార్యదర్శి పర్వతనేని రాంబాబు
- కోశాధికారిగా హేమసుందర్ ఘన విజయం
- సభ్యుల సంక్షేమం కోసం అహర్నిశలు కృషి చేస్తామని హామి
- గత యాబై సంవత్సరాలుగా సక్సెస్ ఫుల్ గా కొనసాగుతున్న ఫిల్మ్ క్రిటిక్స్ అసోసియేషన్ నూతన కార్యవర్గ ఎన్నికలు జూలై 25న హైదరాబాద్ లోని సోమాజిగూడ ప్రెస్ క్లబ్ లో ఘనంగా జరిగాయి. ఈ ఎన్నికల్లో సీనియర్ జర్నలిస్ట్ ప్రభుని అధ్యక్షడుగా, మిగతా కార్యవర్గాన్ని ఏకగ్రీవంగా ఎన్నుకోగా, ఒక్క కోశాధికారి పోస్ట్ కోసం హేమసుందర్, నాగభూషణం మధ్య పోటీ జరిగింది.. ఈ పోటీలో హేమసుందర్ సునాయాసంగా మంచి మెజార్టీతో ఘన విజయం సాధించారు. సీనియర్ జర్నలిస్ట్ లక్ష్మణ్ రావు రిటర్నింగ్ అధికారిగా ఈ ఎన్నికలు జరిగాయి. ఈ సందర్బంగా ఫిల్మ్ క్రిటిక్స్ నూతన అధ్యక్షుడుగా ఎన్నికైన ప్రభు మాట్లాడుతూ..కరోన టైంలో సభ్యుల సంక్షేమం కోసం గత కమిటీ ఎన్నో మంచి కార్యక్రమాలు చేసింది. అందుకు ప్రెసిడెంట్ సురేష్ కొండేటిని, సెక్రటరీ జనార్దన్ రెడ్డితో పాటు ఇతర కార్యవర్గ సభ్యులను అభినందిస్తున్నాను. అలాగే నూతనంగా ఎన్నికైన మేము మా కమిటీ ఆధ్వర్యంలో సభ్యుల సంక్షేమం కోసం నా వంతుగా కృషి చేస్తాను.. ముఖ్యంగా ఆరోగ్య బీమా, హెల్త్ ఇన్సూరెన్స్, గవర్నమెంట్ ద్వారా వచ్చే డబుల్ బెడ్ రూమ్ ఇండ్ల కోసం పాటుపడతానని, ముఖ్యంగా ఫిల్మ్ క్రిటిక్స్ అసోసియేషన్ యాబై ఏళ్ళు పూర్తి చేసుకున్న సందర్బంగా గోల్డెన్ జూబిలీ ఫంక్షన్ ని గ్రాండ్ గా నిర్వహించడానికి, అసోసియేషన్ కోసం ఫండ్ రైజింగ్ చేసి మరింత అభివృద్ధి చేస్తానని.. నా మీద నమ్మకంతో నన్ను ఏకగ్రీవంగా ఎన్నుకున్న సభ్యులందరికీ నా శిరస్సు వంచి నమస్కరిస్తున్నాను అన్నారు. ప్రధాన కార్యదర్శి పర్వతనేని రాంబాబు మాట్లాడుతూ.. ‘ ఫిల్మ్ క్రిటిక్స్ అసోసియేషన్ అభివృద్ధికి, మన సభ్యుల సంక్షేమంకోసం అహర్నిశలు కృషి చేసి.. ఎలాంటి అవాంతరాలు, అవకతవకలు లేకుండా నా వంతుగా సహాయ సహకారాలు అందిస్తానని అన్నారు.
- నూతన కార్యవర్గ సభ్యులు: అధ్యక్షుడు: ఏ. ప్రభు, ఉపాధ్యక్షులు: నాగేంద్ర కుమార్, మోహన్ ఓగిరాల, ప్రధాన కార్యదర్శి: పర్వతనేని రాంబాబు, ఉప కార్యదర్శులు: యల్. రాంబాబు వర్మ, చిన్నముల రమేష్, కోశాధికారి: హేమసుందర్, ఎగ్జిక్యూటివ్ కమిటీ మెంబర్స్: సాయి రమేష్, ఎం.డి అబ్దుల్, సురేష్ కవిరాయని, ధీరజ్ అప్పాజీ, చల్లా భాగ్యలక్ష్మి, టి. మల్లికార్జున్, జిల్లా సురేష్, మురళి, వీర్ని శ్రీనివాసరావు, కుమార్ వంగాల, నవీన్ సిహెచ్ లు ఏకగ్రీవంగా ఎన్నికయ్యారు.
- ఫిలిం క్రిటిక్స్ అసోసియేషన్ నూతన కార్యవర్గంకు అభినందనలు : సురేష్ కొండేటి – జనార్దన్ రెడ్డి
- ఫిలిం క్రిటిక్స్ అసోసియేషన్ 2019-2021 కార్యవర్గాని కి సహకరించిన సభ్యులకు ప్రత్యేక కృతజ్ఞతలు. మా గత కార్యవర్గం చేసిన పనులను అందరు అభినందించటం చాలా ఆనందం కలిగింది. కమిటీ సభ్యులందరి సహకారం వల్ల ఇది సాద్యమైంది. ప్రత్యేకంగా మాకు సలహాలు అందించిన లక్ష్మణ రావు గారికి, మరియు ప్రభు గారికి కృతజ్నతలు. కొత్తగా ఎన్నికైన కమిటీ కూడా మంచి కార్యక్రమాలు చేపట్టి అసోసియేషన్ అభివృద్ధికి కృషి చేస్తారని ఆసిస్తున్నాము. నూతన కార్యవర్గానికి భినందనలు తెలియజేస్తున్నాం.
- నూతన కార్యవర్గానికి అభినందనల వెల్లువ
- ఫిలిం క్రిటిక్స్ అసోసియేషన్ 2021-2022 కార్యవర్గానికి ఎన్నికైన సభ్యులకు అభినందనల వర్షం కురుస్తోంది. అభినందనలు అందజేసిన వారిలో జర్నలిస్టులు జెమిని శ్రీనివాసరావు, శివకుమార్ బోయిడపు, రవిశంకర్ .ఎన్, గడ్డం వెంకట్, దేవినేని గంగా భవాని, సింహాసనం టీమ్ సురేష్, కె. శ్రీకాంత్, రవికుమార్, ప్రసాద్ కోవిల్కర్ తదితరులు ఉన్నారు.
- నూతన కార్యవర్గానికి దర్శకుడు అల్లాణి శ్రీధర్ అభినందనలు
- ఫిలిం క్రిటిక్స్ అసోసియేషన్ 2021-2022 నూతన కార్యవర్గానికి దర్శకుడు అల్లాణి శ్రీధర్ అభినందనలు అందజేశారు. ఫిల్మ్ క్రిటిక్స్ అసోసియేషన్ అభివృద్ధికి, సభ్యుల సంక్షేమంకోసం నూతన కార్యవర్గం అహర్నిశలు కృషి చేసి మంచి ఫలితాలు సాధించాలని కోరుకుంటున్నాను అని ఆయన ఆశాభావం వ్యక్తం చేశారు.
ఫిలిం క్రిటిక్స్ అసోసియేషన్ నూతన అధ్యక్షుడిగా ప్రభు ఏకగ్రీవ ఎన్నిక
