వరుణ్ ధవన్‌, కృతిససన్‌ కాంబినేషన్‌లో హిందీలో వస్తున్న చిత్రం ‘భేదియా’. ఈ చిత్రం తెలుగులో ‘తోడేలు’ టైటిల్‌తో ‘గీతా ఫిలిం డిస్ట్రిబ్యూషన్’ ద్వారా విడుదలవుతుంది. ఈ చిత్రం నవంబర్ 25న థియేటర్లలో సందడి చేయనుంది. ఈ నేపథ్యంలో శనివారం మేకర్స్ తెలుగు ప్రీ రిలీజ్‌ ప్రెస్ మీట్ ను నిర్వహించారు.
నిర్మాత దినేష్ విజన్ మాట్లాడుతూ… అందరికీ నమస్కారం. అరవింద్ గారికి, గీతా ఆర్ట్స్ కి ముందుగా థాంక్స్ చెబుతున్నాను. మీరు మాకు ఇన్స్ప్రెషన్. ఈ సినిమాను మీరు తెలుగులో విడుదల చేయడం మాకు చాలా ఆనందంగా ఉంది. ‘తోడేలు’ సినిమా నవంబర్ 25న విడుదల అవుతుంది. ఖచ్చింతగా చూస్తారని ఆశిస్తున్నాను.
మెగా నిర్మాత అల్లు అరవింద్ మాట్లాడుతూ.. ముందుగా మీడియాకు కృతజ్ఞతలు తెలుపుతూ… ‘బాహుబలి’ సినిమా తరువాత తెలుగు, హిందీ, సౌత్, నార్త్ అని ఎల్లలు తీసేసాం. మంచి సినిమాను ఎక్కడున్నా చూడటం అనేది ఒక కల్చర్ గా మారింది. నిర్మాత దినేష్ విజన్ గురించి మాట్లాడుతూ, ‘పుష్ప’ సినిమా కంటే ముందే అల్లు అర్జున్ పెద్ద స్టార్ అవుతాడు అని నమ్మి అల్లు అర్జున్ తో సినిమా చేయడానికి వచ్చారు. ఫ్యూచర్ లో ఆయన అల్లు అర్జున్ తో సినిమా తీయాలని కోరుకుంటున్నాను అన్నారు. వరుణ్ గురించి మాట్లాడుతూ.. వరుణ్ నువ్వు హిందీలో సినిమా చేస్తే తెలుగులో డబ్ చేయడం కాదు. నువ్వు గీతా ఆర్ట్స్ లో సినిమా చేస్తే ఆలిండియాలో డబ్ చేసి విడుదల చేద్దాం. ఈ సినిమాలో కొంత భాగం చూసే అవకాశం నాకు కలిగింది. ఈ సినిమాలో ఒళ్ళు గగుర్పుడిచే సన్నివేశాలు ఉన్నాయి. ఈ సినిమాను ప్రమోట్ చేయడానికి చిరంజీవి గారు వస్తాను అన్నారు. కానీ ఆయనకు ఒక కాంబినేషన్ లో షూటింగ్ ఉండడంతో రాలేకపోయారు. ఈ సినిమాను తెలుగులో విడుదలచేయడం మంచి అవకాశంగా ఫీల్ అవుతున్నాను అని పేర్కొన్నారు.
కృతి సనన్ మాట్లాడుతూ… చాలా రోజులు తరువాత ఇక్కడికి రావడం చాలా హ్యాపీ గా ఉంది. నా కెరియర్ ను ఇక్కడే స్టార్ట్ చేశాను. నా మొదటి సినిమాకే మంచి లవ్ ఇచ్చారు, అలానే ‘తోడేలు’ సినిమా నవంబర్ 25న విడుదల అవుతుంది మరోసారి మీ ప్రేమను అందివ్వండి. ఈ సినిమాను అరుణాచల్ ప్రదేశ్ లో చేసారు. ఇది చాలా అందమైన ప్లేస్ 70% ఆక్సిజన్ అక్కడి నుండి వస్తుంది. ఈ చిత్రానికి అమర్ కౌశిక్ దర్శకత్వం వహించారు. ఇది ఒక ఫన్ జర్నీ. ఈ సినిమాలో తోడేలు మెయిన్ హీరో. ఈ ట్రైలర్ మీకందరికీ నచ్చింది అనుకుంటున్నాను. తెలుగు, హిందీ, తమిళ్ లలో 2డి, 3డి వెర్సన్స్ లో ఈ సినిమా విడుదల అవుతుంది తప్పకుండా చూడండి అన్నారు.
వరుణ్ ధావన్ మాట్లాడుతూ… ఇది నాకు సొంత ఇల్లులా ఉంది. ఒక దర్శకుడు కొడుకుగా సినిమా నా బ్లడ్ లోనే ఉంది. మేము ఎప్పుడు సినిమాల గురించే చర్చించుకుంటాం. ఓన్లీ హిందీ సినిమాలు మాత్రమే కాదు, మేము తెలుగు సినిమాలు గురించి కూడా మాట్లాడకుంటాం. ఇండియాలో చాలామంది టాలెంటెడ్ పీపుల్ ముంబై , హైదరాబాద్ కి చెందిన వాళ్ళే. మనం వేర్వేరు భాషలు మాట్లాడొచ్చు కానీ.. మనందరం ఇండియన్స్. క్రికెట్ లో ఏ ప్లేయర్ అయినా స్కోర్ చేస్తే ఇండియా స్కోర్ చేస్తుంది అనే చెబుతాం. అలానే సినిమా కూడా. నేను త్వరలో తెలుగులో సినిమా చేసి దానిని హిందీలో రీమేక్ చేస్తా. ‘తోడేలు’ సినిమా నవంబర్ 25న విడుదల అవుతుంది ఖచ్చింతగా చూస్తారని ఆశిస్తున్నాను. ఈ చిత్రాన్ని ఆదరించండి అని అన్నారు.
25న వస్తున్న ‘తోడేలు’ చిత్రాన్ని ఆదరించండి : వరుణ్ దావన్
