కన్నడ నుంచి వచ్చిన ముద్దుగుమ్మ రష్మిక మందన్న టాలీవుడ్ టాప్ హీరోయిన్లలో ఒకరుగా వెలుగొందుతోంది. వరసగా సినిమాలు చేసుకుంటూ కెరీర్ లో ముందుకు `దూసుకుపోతుంది. మరీ ముఖ్యంగా ‘పుష్ప’ విడుదలైన తర్వాత ఈ అమ్మడి రేంజ్ మరింత పెరిగింది. సినిమా సినిమాకు రేంజ్ పెంచుకుంటూ.. అలాగే తన మార్కెట్ కూడా పెంచుకుంటుంది ఈ కన్నడ కస్తూరి. కేవలం తెలుగులోనే కాకుండా ఇప్పుడు నేషనల్ క్రష్ అయిపోయింది రష్మిక మందన్న. ఒకవైపు సినిమాలతో పాటు మరోవైపు బ్రాండ్ అంబాసిడర్‌గానూ దూసుకుపోతుంది. పైగా ఈమె గోల్డెన్ లెగ్ కూడా. నటించిన సినిమాలలో దాదాపు 80 శాతం విజయాలే ఉన్నాయి. తెలుగులో అయితే ఛలో, గీత గోవిందం, సరిలేరు నీకెవ్వరు, భీష్మ, పుష్ప లాంటి విజయాలతో అమ్మడి రేంజ్ అమాంతం పెరిగిపోయింది. పైగా ఇప్పుడు హిందీలోనూ నటిస్తుంది. అక్కడ కూడా ఈమెకు మంచి ఫాలోయింగ్ వచ్చింది. ఒక్క సినిమా కూడా విడుదల కాకుండానే బాలీవుడ్‌లో అమ్మడి రేంజ్ పెరిగిపోయింది. ఇప్పటికే అక్కడ ఓ ప్రైవేట్ సాంగ్ చేసింది.. దాంతో పాటు కొన్ని యాడ్స్ కూడా చేసింది. దాంతో హీరోయిన్‌గా రష్మిక రేంజ్ బాగా పెరిగిపోయింది. చిన్న వయస్సులోనే సినిమాల్లోకి ఎంట్రీ ఇచ్చింది రష్మిక మందన్న. ప్రస్తుతం ఈమె వయస్సు కేవలం 25 సంవత్సరాలు మాత్రమే. ఇంకా పదేళ్ల కెరీర్ కళ్ల ముందు కనిపిస్తుంది. తెలుగు, హిందీ, తమిళంలో వరస సినిమాలు చేస్తుంది రష్మిక మందన్న. హిందీలో ఈమె చేతిలో 2 సినిమాలు ఉండగా.. ఒక్కో సినిమాకు రష్మిక 4 కోట్ల రూపాయలకు అటూ ఇటుగా రెమ్యునరేషన్ తీసుకుంటుందని తెలుస్తుంది. మరోవైపు తెలుగులో కూడా ఒక్కో సినిమా కోసం 2 కోట్ల వరకు డిమాండ్ చేస్తుంది ఈ బ్యూటీ. తమిళంలోనూ కోటిన్నరకు పైగా రష్మిక రేంజ్ ఉంది. ఈమెను కన్నడ ఇండస్ట్రీ తట్టుకోలేకపోతుంది. అందుకే అక్కడ సినిమాలు కూడా చేయడం లేదు. ఎందుకంటే కన్నడలో ఎంత పెద్ద హీరోయిన్ అయినా 60 లక్షలకు మించి ఇవ్వరు. అందుకే కన్నడలో సినిమాలు చేయడమే మానేసింది ఈ ముద్దుగుమ్మ. ఇదిలా ఉంటే ఈమె ఆస్తులు కూడా బాగానే కూడబెట్టుకుంది. ఇండస్ట్రీకి వచ్చిన ఈ నాలుగేళ్లలోనే అమ్మడు దాదాపు 37 కోట్ల వరకు సంపాదించుకుందని తెలుస్తుంది. స్థిర చరాస్తులు కలిపి రష్మిక బాగానే వెనకేసుకుంది. మరోవైపు రష్మిక ఏడాది సంపాదన కూడా గత రెండేళ్లలోనే గణనీయంగా పెరిగిపోయింది. ఏడాదికి 20 కోట్ల రూపాయలకు అటూ ఇటుగా సంపాదిస్తుందనే వార్తలు వినిపిస్తున్నాయి. కమర్షియల్ యాడ్స్‌లో నటించినందుకే ఏడాదికి కోటి వరకు అందుకుంటుంది ఈ ముద్దుగుమ్మ.
రష్మిక మందన్న జోరు !!
