రాజశేఖర్ గారు కథానాయకుడిగా జీవిత దర్శకత్వంలో రూపొందించిన శేఖర్ సినిమాపై అవాస్తవాలు ప్రచారం చేస్తున్నారని నిర్మాత బీరం సుధాకర్ రెడ్డి స్పష్టం చేశారు. నిర్మాత బీరం సుధాకర్ రెడ్డి మాట్లాడుతూ ” నేను శేఖర్ చిత్రానికి నిర్మాతను. జీవితా రాజశేఖర్ గారు మా చిత్రానికి దర్శకత్వం వహించారు. రాజశేఖర్ గారు కథానాయకుడిగా నటించారు. వాళ్లిద్దరి పారితోషికాలు పూర్తిగా చెల్లించాను. ఈ సినిమా రాజశేఖర్, జీవిత గార్లది అనుకుని ఎవరో కోర్టుకు వెళ్లారు. నా సినిమాకు వాళ్ళు నష్టం కలిగిస్తే… ఏదైనా జరిగితే… నేను పరువు నష్టం దావా కేసు వేస్తా. నేను నష్టపోయిన మొత్తాన్ని వాళ్ళ నుంచి రాబడతా. నా సినిమాను ఎవరికీ అమ్మకూడదని ఏదో చెబుతున్నారు. అది చెల్లదు. ఎందుకంటే… అసలు నిర్మాతను నేను” అని చెప్పారు.
నా ‘శేఖర్’ సినిమా జోలికి వస్తే సహించేది లేదు : నిర్మాత బీరం సుధాకర్ రెడ్డి
