-అరుదైన వ్యక్తుల జాబితాలో ఎల్.రమణగారికి చోటు
హైదరాబాద్: ఇటీవల జరిగిన స్థానిక సంస్థల ఎమ్మెల్సీ ఎన్నికల్లో ఘన విజయం సాధించిన టీఆర్ఎస్ అభ్యర్థి ఎల్.రమణకు యాదాద్రి భువనగిరి జిల్లా టి.ఆర్.ఎస్ నాయకులు, ఆలేరు మాజీ జెడ్పిటిసి బొట్ల పరమేశ్వర్ శుభాభినందనలు అందజేశారు. ఉత్కంఠభరితంగా సాగిన కరీంనగర్ లోకల్ బాడీ ఎమ్మెల్సీ ఎన్నికల్లో ఎల్.రమణ గారి గెలుపు కరీంనగర్ ప్రాంత ప్రజలకు శుభసూచకమని ఆయన సంతోషం వ్యక్తం చేశారు. ఈ సందర్బంగా బొట్ల పరమేశ్వర్ మీడియాతో మాట్లాడుతూ.. ‘స్థానిక’ ఎమ్మెల్సీ ఎన్నికల్లో టీఆర్ఎస్ విజయం పట్ల ప్రజలు ఎంతో సంతోషంగా ఉన్నారని, ఆరూ.. కారుకే రావడం ఆనందదాయకమన్నారు. పెద్దల సభకు ఎల్.రమణ గారు బోణీ కొట్టారని, శాసన మండలి ఎన్నికల్లో అధికార పార్టీ టీఆర్ఎస్ హవా కొనసాగిందనిపేర్కొన్నారు. మొత్తం 12 స్థానాలకు గాను.. ఆరు సీట్లను ఇప్పటికే ఏకగ్రీవంగా చేజిక్కించుకోగా.. ఎన్నికలు జరిగిన మరో ఆరు సిటింగ్‌ స్థానాలను గులాబీ పార్టీ కైవసం చేసుకోవడం పార్టీపై ప్రజలకున్న నమ్మకమన్నారు. ఆరు స్థానిక సంస్థల కోటా ఎమ్మెల్సీ స్థానాలకు పోటీ ఉండడంతో ఎన్నికలు అనివార్యమే అయినా.. మెజారిటీతో అధికార టీఆర్ఎస్ పార్టీ క్లీన్‌స్వీప్‌ చేసిందని. కరీంనగర్ జిల్లాలోని రెండు స్థానాల్లో.. టీఆర్ఎస్ అభ్యర్థులు టి.భానుప్రసాద్‌రావు, ఎల్.రమణ.. తొలి ప్రాధాన్య ఓట్లతోనే ఘన విజయం సాధించారని, భానుప్రసాద్‌ హ్యాట్రిక్‌ కొట్టగా.. ఎల్.రమణ మండలికి బోణీ కొట్టారన్నారు. జిల్లాకు పదవుల పంట లభి స్తోందని, ఇప్పటికే పలు పదవులను దక్కించుకున్న జగిత్యాల జిల్లా తాజా గా మరో పదవిని కైవసం చేసుకుంది. కరీంనగర్ ఉమ్మడి జిల్లా స్థానిక సంస్థల ఎమ్మెల్సీ ఎన్నికల్లో జగిత్యాలకు చెందిన ఎల్ రమణ మెజార్టీ ఓ ట్లను సాధించి ఎన్నికయ్యారు. ఇటీవల టీటీడీపీ అధ్యక్ష పదవికి రాజీనా మా చేసి టీఆర్‌ఎస్‌లో చేరిన రమణను సీఎం కేసీఆర్‌ గారు ఎమ్మెల్సీ అభ్యర్థి గా ఎంపిక చేసి బరిలో నిలిపారు. ఎమ్మెల్సీ ఎన్నికల్లో పోటీచేసిన రమణ ను విజయం వరించింది. దీంతో జగిత్యాల జిల్లాను మరో పదవి అలక రించినట్లయిందని బొట్ల పరమేశ్వర్ అన్నారు. అలాగే జగిత్యాల జిల్లాకు చెందిన ఎల్ రమణ గారు రాజ్యాంగపరమైన మూడు చ ట్ట సభలల్లో అడుగుపెట్టడానికి అవకాశం పొందారు. గతంలో కరీంనగర్ ఎంపీగా గెలుపొంది పార్లమెంట్‌లో అడుగుపెట్టగా, జగిత్యాల ఎమ్మెల్యేగా, మంత్రిగా వ్యవహరించి రాష్ట్ర శాసన సభలో ప్రవేశించారు. ప్రస్తుతం కరీంనగర్ స్థానిక సంస్థల ఎమ్మెల్సీగా విజయం సాధించి శాసన మండలిలో అడుగుపెట్టబోతున్నారు. ఒకే నేత పార్లమెంట్‌, రాష్ట్ర శాసన సభ, రాష్ట్ర శాసన మండలిలో ప్రవేశానికి అర్హత సాధించిన అరుదైన వ్యక్తుల జాబితాలో రమణ చోటు సాధించారు. రమణ ఎమ్మెల్సీగా గెలుపొందడం పట్ల బొట్ల పరమేశ్వర్ హర్షం వ్యక్తం చేస్తున్నారు.
