సి.ఎం. కేసీఆర్ ట్రోఫీ కప్ ను ఆవిష్కరించిన హీరో సుమన్
కరాటే క్రీడలను ప్రోత్సహించేందుకు ఈనెల 27న హైదరాబాద్ కోట్ల విజయభాస్కర్ రెడ్డి స్టేడియంలో జాతీయ స్థాయి కరాటే ఛాంపియన్ షిప్ పోటీలను నిర్వహిస్తున్నట్టు షోటోకాన్ అకాడమీ వ్యవస్థాపకులు, ప్రముఖ నటులు సుమన్ తెలిపారు. ఈ మేరకు సోమాజిగూడ ప్రెస్ క్లబ్ లో అకాడమీ జాతీయ ప్రధాన కార్యదర్శి ఎం. లింగయ్య, రాష్ట్ర కార్యదర్శి అందె శ్రీనివాస్ లతో కలిసి సి.ఎం.కేసీఆర్ ట్రోఫీ కప్పును సుమన్ ఆవిష్కరించారు. ఈ సందర్భంగా ఆయన మాట్లాడుతూ అకాడమీ సిల్వర్ జూబ్లీ ఉత్సవాలను పురస్కరించుకొని ఈ జాతీయ పోటీలను నిర్వహిస్తున్నట్లు చెప్పారు. పోటీలలో దేశంలోని వివిధ రాష్ట్రాలకు చెందిన కరాటే క్రీడాకారులు సుమారు మూడు వేల మందికి పైగా పాల్గొంటారని, నాలుగు సంవత్సరాల నుంచి 60 ఏళ్ల వయసు వరకు పోటీలను నిర్వహిస్తున్నట్లు పేర్కొన్నారు. విజేతలకు పథకాలతో పాటు, నగదు బహుమతులను సైతం అందజేస్తామని చెప్పారు. టోర్నమెంట్ చీఫ్ ఆర్గనైజర్, తెలంగాణ రాష్ట్ర జూడో అసోషియేషన్ వైస్ ప్రెసిడెంట్, కరాటే మాస్టర్ జిల్లేల శ్రీనివాసరావు సుమన్ షోటోకాన్ స్పోర్ట్స్ కరాటే డూ అకాడమీ 25 ఏళ్ల సందర్బంగా సిల్వర్ జూబ్లీ ఫంక్షన్ చేయబోతున్నారు. ఖమ్మం, హైదరాబాద్ ఇలా అన్ని చోట్ల గత 25 ఏళ్లుగా వాళ్ల అమ్మగారైన కెసి చంద్ర మెమోరియల్ ద్వారా చేస్తూ మంచిపేరును తెచ్చుకుంటున్నారని సుమన్ కొనియాడారు. ఈ ఫంక్షన్స్ కు ఎందరో కరాటే మాస్టర్స్ సహకారాన్ని అందిస్తున్నారు. వాళ్లందరికీ పేరుపేరునా ధన్యవాదాలు తెలుపుతున్నాను. ఇలాంటి ప్రోత్సహించాల్సిన బాధ్యత ప్రతీ ఒక్కరిపై ఉందని ఆయన అన్నారు.
అట్టహాసంగా జరగనున్నఈ పోటీలకు ముఖ్య అతిథులుగా మంత్రులు కేటీఆర్, శ్రీనివాస్ గౌడ్, గంగుల కమలాకర్, శ్రీనివాస్ గౌడ్ లతోపాటు ఎంపీ రవిచంద్ర తదితరులు పాల్గొంటారని, ఈనెల 27న జరగనున్న ఈ జాతీయస్థాయి కరాటే ఛాంపియన్ షిప్ పోటీలను అందరూ పాల్గొని విజయవంతం చేయాలని సుమన్ కోరారు. ఈ సందర్బంగా జరిగిన ట్రోఫీ కప్ ఆవిష్కరణలో ప్రెస్ క్లబ్ ఆఫ్ హైదరాబాద్ ట్రెజరర్ రాజేష్ యాదవ్ తదితరులు పాల్గొన్నారు. ఈ సందర్బంగా జరిగిన కార్యక్రమంలో హీరో సుమన్ చేతుల మీదుగా అతిథులను శాలువాలతో సత్కారం జరిగింది.
