Category: Entertainment

మళ్ళీ రావా, ఈ నగరానికి ఏమైంది, మీకు మాత్రమే చెప్తా, ఇచ్చట వాహనములు నిలపరాదు* వంటి సినిమాలతో మంచి నటుడిగా గుర్తింపు తెచ్చుకుని, ఇటీవల శ్యామ్ సింగ రాయ్ సినిమాతో తెలుగు ప్రేక్షక లోకానికి మరింత దగ్గరైన అభినవ్ గోమఠం హీరోగా ఎంట్రీ ఇవ్వబోతున్నాడు. ఓ కొత్త దర్శకుడు దర్శకత్వంలో కాసుల క్రియేటివ్ వర్క్స్ సమర్పణలో ఈ సినిమా నిర్మితమవుతోంది. భారీ తారాగణంతో తెరకెక్కుతున్న ఈ సినిమాకు సంబంధించి తాజాగా ఓ పోస్టర్ విడుదల చేసింది చిత్రయూనిట్. జనవరి ఒకటో తేదీ అభినవ్ గోమఠం పుట్టిన రోజు సందర్భంగా సినిమా గురించి ప్రకటన చేశామని, త్వరలో పూర్తి వివరాలు వెల్లడిస్తామని చిత్ర నిర్మాతలు చెబుతున్నారు. ఈ సందర్భంగా తెలుగు ప్రేక్షకులకు నూతన సంవత్సర శుభాకాంక్షలు తెలియజేసింది చిత్రయూనిట్.

పాన్ ఇండియా స్టార్ ప్రభాస్ హీరోగా పూజా హెగ్డే హీరోయిన్ గా నటించిన తాజా భారీ సినిమా ‘రాధే శ్యామ్’. దర్శకుడు రాధా కృష్ణ తెరకెక్కించిన ఈ భారీ పాన్ ఇండియన్ సినిమా వచ్చే సంక్రాంతి రేస్ లో విడుదలకు సిద్ధంగా ఉంది. ఇక ఇదిలా ఉండగా న్యూఇయర్ పెను మార్పులతో ఆరంభమయింది. అయితే.. సంక్రాంతి బరిలో ఉన్న భారీ సినిమా ‘ట్రిపుల్ ఆర్’ వాయిదా పడడంతో చిత్రసీమ షేక్ అయింది. అయితే.. ‘ట్రిపుల్ ఆర్’ వెనక్కి వెళితే.. ‘రాధే శ్యామ్’ కూడా విడుదల వాయిదా పడడం ఖాయమని ఊహాగానాలు వినిపిస్తున్నాయి. ఇలాంటి కీలక అంశాలతో టాలీవుడ్ రగులుతుండగా ఒక కూల్ పోస్టర్ తో ‘రాధే శ్యామ్’ యూనిట్ మాత్రం సినిమా విడుదల విషయంలో ఎలాంటి మార్పు లేదని ప్రకటిస్తూ జనవరి 14 డేట్ ని ఈ…