(చిత్రం :దిల్ రూబా, విడుదల : మార్చి 14, 2025, రేటింగ్ : 2/5, నటీనటులు : కిరణ్ అబ్బవరం, రుక్షర్ ధిల్లాన్, కాథీ డావిసన్, జాన్ విజయ్, సత్య, గెటప్ శ్రీను తదితరులు, దర్శకత్వం: విశ్వ కరుణ్, నిర్మాతలు: విక్రమ్ మెహ్రా, సిద్ధార్థ్ ఆనంద్ కుమార్, రవి, జోజో జోస్, రాకేష్ రెడ్డి, సంగీతం : సామ్ సి ఎస్, సినిమాటోగ్రఫీ : విశ్వాస్ డానియల్, ఎడిటర్ : ప్రవీణ్ కే ఎల్)
యువతరం నటుడు కిరణ్ అబ్బవరం హీరోగా రుక్షర్ ధిల్లాన్ హీరోయిన్ గా తెరకెక్కించిన చిత్రం “దిల్ రూబా”. విశ్వ కరుణ్ ఈ సినిమాతో దర్శకుడిగా పరిచయం అయ్యాడు. ‘క’ లాంటి బ్లాక్‌బస్టర్ తర్వాత కిరణ్ అబ్బవరం నుంచి వచ్చిన సినిమా ఇది. ముందు నుంచి ఈ చిత్రంపై చాలా నమ్మకంగా ఉన్నాడు కిరణ్. నిర్మాత అయితే నచ్చకపోతే వచ్చి కొట్టండి అని ఆఫర్ కూడా ఇచ్చాడు. మరి వీళ్ళ నమ్మకం నిజమైందా..? సినిమాను ప్రేక్షకులు ఏ మేరకు ఆదరించారు తెలుసుకుందాం…
కథ: సిద్ధార్థ్ రెడ్డి అలియాస్ సిద్దూ (కిరణ్ అబ్బవరం) చిన్నప్పటి నుంచి మ్యాగీ (నజియా)ని ప్రేమిస్తాడు. పెళ్లి కూడా చేసుకోవాలనుకుంటాడు. మ్యాగీ చివరి నిమిషంలో మరో వ్యక్తిని పెళ్లి చేసుకుని యుఎస్ వెళ్లిపోతుంది. దాంతో సిద్దూ దేవదాసులా మందుకు బానిసై .. అమ్మాయిలకు దూరంగా ఉంటాడు. తన మొదటి లవ్ మేఘనతో బ్రేకప్ అయ్యాక సిద్ధార్థ్ రెడ్డి చాలా కుంగిపోతాడు. అలాగే తన జీవితంలో థాంక్యూ, సారీ అనే రెండు పదాలు విషయంలో కూడా చాలా పర్టిక్యులర్ గా ఉంటాడు. అమ్మ చెప్పిందని బెంగళూరు వెళ్లి ఒక కాలేజీలో చేరుతాడు. కాలేజీలోకి రాకముందే పబ్బులో ఒక గొడవ నుంచి అంజలి (రుక్సర్)ని కాపాడతాడు. దాంతో ఫస్ట్ లుక్‌లోనే సిద్దూతో ప్రేమలో పడిపోతుంది అంజలి. అక్కడినుంచి తనను ప్రేమించమని వెంట పడుతుంది. ఒక బలమైన సిచ్యువేషన్‌లో సిద్దూ కూడా అంజలిని ప్రేమిస్తాడు. అయితే సారీ, థ్యాంక్స్ లాంటివి చెప్పే అలవాటు లేని సిద్ధూకు.. ఓ సంఘటనలో తన కాలేజ్‌లోనే చదివే విక్కీ (క్రాంతి కిల్లి)కి సారీ చెప్పాల్సిన పరిస్థితి వస్తుంది. కానీ చెప్పడు.. దాంతో అంజలితో బ్రేకప్ అవుతుంది. సిద్దూ సారీ, థ్యాంక్స్ ఎందుకు చెప్పడు అనే దానికి ఫ్లాష్ బ్యాక్ ఉంటుంది. వాళ్ళిద్దరిని కలపడానికి మాజీ లవర్ మ్యాగీ అమెరికా నుంచి ఇండియాకు వస్తుంది. ఆ తర్వాత ఏం జరిగింది.. సిద్దూ ప్రజెంట్ లవ్‌ను.. పాస్ట్ లవర్ వచ్చి సెట్ చేసిందా లేదా .. అంజలి లవ్ స్టోరీ ఎలా కొనసాగింది? వీరి మధ్యలో ఎలాంటి చిక్కులు వచ్చాయి ఈ అందరిలో జోకర్(జాన్ విజయ్) ఎందుకు వచ్చాడు? చివరికి అంజలి, సిద్ధూలని కలిపేందుకు మేఘన ఏం చేస్తుంది? సిద్ధూ థాంక్యూ, సారి అనే సిద్ధాంతం ఎందుకు పెట్టుకున్నాడు అనేది తెలియాలి అనేది మిగిలిన కథ.
విశ్లేషణ: ఈ “దిల్ రూబా”లో కిరణ్ అబ్బవరం డీసెంట్ గా అలరిస్తాడు. అలాగే తనతో రుక్షర్ కూడా బానే చేసింది. కానీ సినిమాలో మెయిన్ పాయింట్ కి తగ్గ కథనం మాత్రం సాగలేదు. చాలా వరకు డల్ మూమెంట్స్ తో సాగే కథనం ఆడియెన్స్ కి కనెక్ట్ కాదు. ఇంకా బెటర్ ఎమోషన్స్ ని దర్శకుడు ప్లాన్ చేసి ఉంటే బాగుండేది. మధ్యమధ్యలో ఫ్యాక్షన్ సినిమాలో బ్యాక్ డ్రాప్ చెప్పినట్టు.. నేనెవరో తెలుసా నా బ్యాగ్రౌండ్ ఏంటో తెలుసా అని హీరో అలా ఎందుకు చెప్పాడో ఎవరికీ అర్థం కాదు. నీట్ గా చెప్పాల్సిన కథలోకి.. అనవసరంగా యాక్షన్ మాస్ అంటూ ఏవేవో దూర్చాడు దర్శకుడు. దానికి తోడు కిరణ్ అబ్బవరం మీద రాసిన డైలాగ్స్ బాగా ఓవర్ అనిపించింది. ఇమేజ్ కు మించిన డైలాగులు ఉంటే కచ్చితంగా అది సినిమాకు మైనస్. ఫస్టాఫ్ కాస్త బెటర్.. ఏదో కొత్తగా చెప్పడానికి ప్రయత్నిస్తున్నాడు అనిపిస్తుంది. సెకండాఫ్ అయితే ఎటు పోతుందో కూడా అర్థం కాదు. దానికి తోడు అనవసరపు ఫైట్స్ ఇబ్బంది. అక్కడ జరిగే సీన్ చూస్తే హీరో హీరోయిన్ ప్రాణం కంటే ఎక్కువగా ప్రేమించుకుంటారు. ఏ కాంప్లికేషన్స్ లేని వాళ్ళ ప్రేమ కథ మధ్యలోకి ఏదో ఒకటి కావాలని పుల్లపెట్టినట్టు దర్శకుడు ఏదో ఒక సీన్ రాసుకున్నాడు. వాళ్ళిద్దరూ విడిపోతున్నారు అంటే బలమైన ఎమోషన్ ఏదో ఒకటి ఉండాలి. అలాంటిది ఒక్కటి కూడా కనిపించదు. మళ్లీ ఇద్దరికీ ఒకరు ఉంటే ఒకరికి ప్రాణం అయినా కూడా మాట్లాడుకోరు చూసుకోరు. ఎందుకురా అంటే హీరో సారీ చెప్పకపోతే నేను ప్రేమించను అంటుంది హీరోయిన్. హీరో ఏమో సారీ చెప్పను అంటాడు. క్లైమాక్స్ వరకు ఇదే కథను లాక్కుంటూ వచ్చాడు దర్శకుడు విశ్వ. ఈ చిత్రం యూట్యూబ్ షార్ట్ ఫిల్మ్ కి ఎక్కువ బిగ్ స్క్రీన్ పై సినిమాకి తక్కువ అని చెప్పక తప్పదు. అసలు ఈ సినిమాలో ఆడియెన్స్ కి కనెక్ట్ అయ్యే అంశాలు కనిపించవు. చాలా డల్ మూమెంట్స్ తో సాగే కథనం ఎక్కడా కూడా ఆడియెన్ ని ఎగ్జైట్ చేయకుండా కొనసాగుతుంది. సినిమాలో ఏవేవో ప్రయత్నాలు కనిపిస్తాయి.. ఒక యాక్షన్ సీన్ వస్తుంది, పాటలు వస్తాయి. కానీ ఇంకా ఏదో సినిమాలో మిస్ అవుతున్న భావన ఆడియెన్ కి కలుగక మానదు. ఇలా సినిమాలో మెయిన్ సోల్ కి ఆడియెన్స్ కి పొంతన పెద్దగా కనిపించదు. చాలా సీన్స్ ఎన్నో లవ్ అండ్ బ్రేకప్ సినిమాల్లో చూసేసినవాటి లానే అవుట్ డేటెడ్ గా అనిపిస్తాయి. హీరోకి ఒక సిద్ధాంతం పెట్టారు కానీ దానిని ఇంకా బలంగా ఎస్టాబ్లిష్ చేసి ఉంటే బాగుండేది. ప్రాపర్ ఎమోషన్స్ కూడా సినిమాలో బాగా మిస్ అయ్యాయి. ఇక వీటితో పాటుగా సినిమాలో మరో హీరోయిన్ గా కనిపించిన కాథీ డావిసన్ తన రోల్ కి ఫిట్ కాలేదు. నిజానికి కిరణ్ అబ్బవరం కంటే ఆమె ఎక్కువ ఏజ్ లా కనిపిస్తుంది. పైగా తన నటన కూడా ఎక్కడా నాచురల్ గా కనిపించదు. వినిపించే డైలాగ్ కి ఆమె పలికించే పెదాల కదలికకు అసలు పొంతనే ఉండదు. అలాగే ఈమె పాత్రపై సహా మరిన్ని అంశాల్లో సినిమాలో లాజిక్స్ కూడా పెద్దగా ఉండవు. ఇలా వీటితో దిల్ రూబా చాలా బోరింగ్ గా సాగుతుంది. కొన్ని కథలు వినేటప్పుడు వచ్చిన కిక్.. స్క్రీన్ మీదకు వచ్చిన తర్వాత కనిపించవు. దిల్ రూబా కూడా అలాంటి ఓ ఐడియానే. వినడానికి భలే క్రేజీగా అనిపిస్తుంది. ప్రజెంట్ లవ్ సెట్ చేయడానికి పాస్ట్ లవర్ రావడం అనే ఐడియా కొత్తగానే కాదు క్రేజీగానే ఉంది. కానీ దాన్ని స్క్రీన్ మీదకు తీసుకొచ్చేటప్పుడు చాలా కాంప్లికేషన్స్ ఉంటాయి. అవేం పట్టించుకోకుండా సింపుల్‌గా తీస్తామంటే ఎటూ కాకుండా పోతుంది సినిమా. దిల్ రూబా విషయంలోనూ ఇదే జరిగింది. మంచి ఐడియాను చేజేతులా నాశనం చేసాడు దర్శకుడు విశ్వ కరుణ్. అందులో కిరణ్ అబ్బవరం పాత్ర కూడా లేకపోలేదు. తనపై స్టార్ హీరో రేంజ్‌లో డైలాగులు కావాలని ఆయన అడిగాడో లేదంటే దర్శకుడికే అలా అనిపించి మాటలు రాసాడో తెలియదు కానీ చాలా ఓవర్ అనిపిస్తుంది కొన్ని డైలాగులు వింటుంటే. అవి కిరణ్ అబ్బవరంకు అస్సలు సెట్ కాలేదు. సారీ, థాంక్స్ అనే పదాల గొప్పతనం కోసం సినిమా తీసినట్టు అనిపించింది. రోజుకు వందల సార్లు వాడే ఈ పదాలను హీరో అసలు వాడడు. అతనితో సారీ చెప్పించుకోవడానికి విలన్లు చుట్టూ తిరుగుతుంటారు. ఈ కాన్సెప్ట్ అర్థం కాలేదు. ఇంత చిన్న విషయం మీద ఒక సినిమా తీయాలి అనుకోవడం నిజంగానే సాహసం. ఐడియా ఎంత క్రేజీగా ఉన్నా కూడా.. ఎగ్జిక్యూషన్ చాలా నీరసంగా ఉంది. కన్ఫ్యూజన్ ఎక్కువైపోయి కథ ఎక్కడికి వెళ్తుందో కూడా అర్థం కాదు. కాలేజీలో మొదలైన కథ రాయలసీమ మీదుగా ఎక్కడెక్కడో తిరుగుతుంది.
నటీనటుల పనితీరు: హీరో కిరణ్ అబ్బవరం గత సినిమాలతో పోలిస్తే మంచి స్టైలిష్ లుక్స్ లో కనిపించాడు. అలాగే తనపై కొన్ని సీన్స్ లో తన నటన డీసెంట్ గా ఉంది. అలాగే యాక్షన్ ఎపిసోడ్స్ లో తన మాస్ ప్రెజెన్స్ కూడా బాగుంది. కిరణ్ అబ్బవరం స్క్రీన్ అప్పియరెన్స్ ఓకే కానీ డైలాగ్ డెలివరీలో చాలా మారాలి. వాయిస్ బాగానే ఉన్నా డిక్షన్ అస్సలు బాగోలేదు. పైగా చాలా ఎమోషన్స్ ఒకే ఎక్స్ప్రెషన్‌తో క్యారీ చేస్తున్నాడు. హీరోయిన్స్ రుక్సర్ థిల్లన్, నజియా డేవిసన్ పర్లేదు. సీనియర్ నటుడు ఆనంద్, జాన్ విజయ్, క్రాంతి కిల్లి, కమెడియన్ సత్యా, దివంగత విజయ్ గంగరాజు వీళ్ళందరూ పర్లేదు. ఇక తనతో పాటుగా రుక్షర్ కెమిస్ట్రీ కూడా కొన్ని సన్నివేశాల్లో బాగుంది. అలాగే యంగ్ నటి రుక్షర్ చిలిపి అమ్మాయిగా బానే చేసింది. ఇంకా వీరితో పాటుగా నెగిటివ్ రోల్ లో చేసిన జాన్ విజయ్ కూడా తన మార్క్ విలనిజాన్ని ప్రదర్శించారు. వీరితో పాటుగా కమెడియన్ సత్యపై కేవలం కొన్ని సీన్స్ ఓకే అనిపిస్తాయి. అలాగే సెకండాఫ్ లో కొన్ని ఒకటీ రెండు ట్విస్ట్ లు ఓకే అనిపిస్తాయి.
సాంకేతిక వర్గం: సినిమాలో మెయిన్ గా విఎఫ్ఎక్స్. టెక్నికల్ టీంలో సామ్ సి ఎస్ వర్క్ ఒకటీ రెండు పాటలు మినహా రెగ్యులర్ గా ఉంది. తన మార్క్ లో అనిపించలేదు. విశ్వాస్ డానియల్ సినిమాటోగ్రఫీ బాగుంది. ప్రవీణ్ కేఎల్ ఎడిటింగ్ ఇంకా బెటర్ గా చేయాల్సింది. నిర్మాణ విలువలు బాగానే ఉన్నాయి. దర్శకుడు విశ్వ కరుణ్ విషయానికి వస్తే.. సారీ, థాంక్యూ అనే పదాలు వాటి విలువ ఎక్కడ వాడాలి అనే డీసెంట్ పాయింట్ పట్టుకున్నారు కానీ దానిని పట్టుకొని నడిపించిన విధానం మాత్రం మెప్పించాడు. ఎక్కడా కూడా సినిమాలో ఆడియెన్ ని ఎంగేజ్ చేసే రేంజ్ సీన్స్ కనిపించవు. చాలా డల్ ప్రొసీడింగ్స్ తో సాగుతుంది. ఇంకా కొంచెం ఎమోషనల్ డెప్త్ ని సినిమాలో జోడించి ఉంటే బాగుండేది. ఈ సినిమాకి పాజిటివ్ ఏదైనా ఉంది అంటే అది స్యామ్ సిఎస్ సంగీతం మాత్రమే. ఆర్.ఆర్ కూడా బాగానే ఉంది. ఎడిటింగ్ చాలా వీక్. రెండు గంటల్లోపే తేల్చాల్సిన కథను లాగి లాగి వదిలారు. సినిమాటోగ్రఫీ ఓకే. దర్శకుడు విశ్వ కరుణ్ తీసుకున్న ఐడియాకు.. తీసిన సినిమాకు చాలా మిస్ ఫైర్ అయ్యింది.
Dilruba Movie Review in Telugu : పసలేని ప్రేమ కథ ‘దిల్ రూబా’
