యంగ్‌ హీరో, కథల విషయంలో ఆచితూచి అడుగేసే శ్రీవిష్ణు సరికొత్త మూవీతో ప్రేక్షకులను అలరించేందుకు సిద్ధమయ్యాడు. గత సంవత్సరం ‘సామజవరగమన’ చిత్రంతో విజయం అందుకున్న ఆయన మరో హిలేరియస్‌ కామెడీ ఎంటర్‌టైనర్‌తో రాబోతున్నారు. ‘బోచేవారెవరురా’ చిత్రం తర్వాత శ్రీవిష్ణు , ప్రియదర్శి, రాహుల్‌ రామకృష్ణ మరోసారి కలిసి నటించడం విశేషం. ఈ ముగ్గురు ప్రధాన పాత్రల్లో యు.వి. క్రియేషన్స్‌ బ్యానర్‌పై ఓ చిత్రం రూపొందుతోంది. హర్ష కొనుగంటి దర్శకత్వం వహిస్తున్నారు. ఈ సినిమాకు ‘ఓం భీమ్‌ బుష్‌’ అనే ఆసక్తికర టైటిల్‌ ఖరారు చేశారు. ‘నో లాజిక్‌.. ఓన్లీ మ్యాజిక్‌’ అనే క్యాప్షన్‌ ఇచ్చారు. తాజాగా ఈ చిత్రం టైటిల్‌ పోస్టర్‌ను మేకర్స్ విడుదల చేశారు. ‘ఓం భీమ్‌ బుష్‌’ పేరు వినగానే ఏదో మంత్రం చదివినట్లు అనిపిస్తోంది. పోస్టర్‌ చూస్తే శ్రీవిష్ణు, ప్రియదర్శి, రాహుల్‌ రామకృష్ణ వ్యోమగాముల పాత్రలు పోషించినట్లు తెలుస్తోంది. బ్రోచేవారెవరురా సినిమాతో హిట్‌ కొట్టిన ఈ ముగ్గురు మరోసారి నవ్వించడానికి రెడీ అవుతున్నారు. ఈ చిత్రాన్ని మార్చి 22న ప్రేక్షకుల ముందుకు తీసుకురానున్నారు.
శ్రీవిష్ణు కొత్త చిత్రం ‘ఓం భీమ్‌ బుష్‌’
