నేచురల్ స్టార్ నాని హీరోగా నటించిన టక్ జగదీష్ ప్రేక్ష‌కులు ఎంతో ఆసక్తిగా ఎదురుచూస్తున్న చిత్రాల్లో ఒకటి. ‘నిన్నుకోరివంటి బ్లాక్ బ‌స్ట‌ర్ మూవీ త‌ర్వాత నేచురల్ స్టార్ నాని, శివ నిర్వాణ కాంబినేష‌న్‌లో ఈ చిత్రం రూపొందు‌తోంది. ఇప్ప‌టికే విడుద‌లైన పాటలు శ్రోత‌ల‌ను అల‌రిస్తుండగా టీజ‌ర్‌, ఇటీవ‌ల విడుద‌లైన ట్రైల‌ర్ అందరి ప్రశంసలను గెలుచుకుంది. ఈ రోజు గోపి సుందర్ స్వరపరిచిన ఈ చిత్రంలోనిటక్ పాట`ను విడుద‌ల‌చేసింది చిత్ర యూనిట్‌. ఈ సారి ఒక ఇంటెన్స్ నెంబ‌ర్ సాంగ్‌తో మ‌న‌ముందుకు వ‌చ్చారు. ఈ పాటను దర్శకుడు శివ నిర్వాణ స్వయంగా పాడ‌డం విశేషం. ఈ పాట యొక్క శైలికి తగ్గ‌ట్టుగా ఆయ‌న వాయిస్ చాలా ఎన‌ర్జిటిక్‌గా ఉంది. ఈ పాట‌లో నాని మాస్‌, యాక్షన్ అవతారంలో క‌నిపించ‌నున్నారు. అన్ని ర‌కాల క‌మ‌ర్షియ‌ల్ ఎలిమెంట్స్‌తో ఫ్యామిలీ ఎంట‌ర్‌టైన‌ర్‌గా రూపొందిన టక్ జగదీష్ వినాయ‌క చ‌వితి కానుక‌గా సెప్టెంబ‌ర్‌10 నుండి అమేజాన్ ప్రైమ్‌లో స్ట్రీమింగ్ కానుంది. రీతు వ‌ర్మ హీరోయిన్‌గా న‌టిస్తోన్న ఈ చిత్రంలో ఐశ్వ‌ర్య రాజేష్ కీల‌క‌పాత్ర‌లో న‌టిస్తుంది, నాని సోద‌రుడిగా విల‌క్ష‌ణ న‌టుడు జ‌గ‌ప‌తిబాబు క‌నిపించ‌నున్నారు. నాని 26వ చిత్రంగా రూపొందుతోన్న ఈ మూవీని షైన్ స్క్రీన్స్ బ్యాన‌ర్‌పై సాహు గార‌పాటి, హ‌రీష్ పెద్ది నిర్మిస్తున్నారు. ఈ చిత్రానికి ప్ర‌సాద్ మూరెళ్ల సినిమాటోగ్రాఫ‌ర్‌గా ప‌నిచేస్తున్నారు.
తారాగ‌ణం: నేచురల్ స్టార్ నాని, రీతూ వ‌ర్మ, ఐశ్వ‌ర్యా రాజేష్, నాజ‌ర్, జ‌గ‌ప‌తి బాబు, రావు ర‌మేష్‌, న‌రేష్‌, డానియ‌ల్ బాలాజీ, తిరువీర్, రోహిణి, దేవ‌ద‌ర్శిని, ప్ర‌వీణ్ త‌దిత‌రులు
సాంకేతిక బృందం: ర‌చ‌న-ద‌ర్శ‌క‌త్వం: శివ నిర్వాణ, నిర్మాత‌లు: సాహు గార‌పాటి, హ‌రీష్ పెద్ది, సంగీతం: ఎస్‌. త‌మ‌న్‌, గోపి సుందర్, సినిమాటోగ్ర‌ఫీ: ప్ర‌సాద్ మూరెళ్ల
ఎడిటింగ్‌: ప్ర‌వీణ్ పూడి, ఆర్ట్‌: సాహి సురేష్‌, ఫైట్స్‌: వెంక‌ట్‌, ఎగ్జిక్యూటివ్ ప్రొడ్యూస‌ర్‌: ఎస్‌. వెంక‌ట‌ర‌త్నం (వెంక‌ట్‌), కో- డైరెక్ట‌ర్‌: ల‌క్ష్మ‌న్ ముసులూరి, క్యాస్టూమ్, డిజైన‌ర్‌: నీర‌జ కోన, ప‌బ్లిసిటి డిజైన‌ర్‌: శివ కిర‌ణ్‌(వ‌ర్కింగ్ టైటిల్‌), పీఆర్వో: వంశీ-శేఖ‌ర్‌
నాని ‘టక్ జగదీష్’ నుండి దర్శకుడు శివ నిర్వాణ పాడిన ‘టక్ సాంగ్’ విడుద‌ల
