విల‌క్ష‌ణ పాత్ర‌ల‌తో ప్రేక్ష‌కుల హృద‌యాల‌ను గెలుచుకున్న హీరో శ‌ర్వానంద్‌, ప్ర‌తిభావంతుడైన న‌టుడిగా పేరు తెచ్చుకున్న హీరో సిద్ధార్థ్ క‌ల‌యిక‌లో ‘మ‌హాస‌ముద్రం’ చిత్రం రూపొంద‌నున్న‌ది. ‘ఆర్ఎక్స్ 100’ ఫేమ్ అజ‌య్ భూప‌తి ద‌ర్శ‌క‌త్వంలో ఈ చిత్రాన్ని నిర్మించేందుకు ఎ.కె. ఎంట‌ర్‌టైన్‌మెంట్స్ సంస్థ స‌న్నాహాలు చేస్తోంది. సెట్స్ మీద‌కు వెళ్ల‌క ముందే ఒక దాని త‌ర్వాత ఒక‌టిగా ఆశ్చ‌ర్య‌క‌ర‌మైన అనౌన్స్‌మెంట్లు ఇస్తూ ‘మ‌హాస‌ముద్రం’ ప్రాజెక్టుపై అంచ‌నాలు పెంచేస్తూ వ‌స్తున్నారు నిర్మాత‌లు. ఇద్ద‌రు హీరోయిన్లు ఉండే త‌న చిత్రంలోని ప్ర‌ధాన పాత్ర‌ల కోసం స‌రైన న‌టుల‌ను ఎంపిక చేస్తూ వ‌స్తున్నారు ద‌ర్శ‌కుడు అజ‌య్ భూప‌తి. క‌థ‌కు కీల‌క‌మైన ఒక హీరోయిన్ క్యారెక్ట‌ర్ కోసం ఇప్ప‌టికే టాలెంటెడ్ యాక్ట్రెస్‌ అదితి రావ్ హైద‌రిని ఎంపిక చేశారు. కాగా లేటెస్ట్‌గా అందాల తార అను ఇమ్మాన్యుయేల్‌ను మరో హీరోయిన్ రోల్ కోసం ఎంపిక చేశారు.…
‘మ‌హాస‌ముద్రం’లో మరో హీరోయిన్ ఫిక్స్
